كۇيەۋىنە رەنجىگەن ايەل جوعارى قاباتتان جەرگە سەكىرىپ قازا تاپتى

ليۆان مەملەكەتىنىڭ استاناسى بەيرۋت قالاسىندا كۇيەۋى ايەلىنىڭ كوپقاباتتى ۇيدەن سەكىرىپ كەتكەنىن ۇيالى تەلەفوننىڭ كامەراسىنا ءتۇسىرىپ قالعان. بۇل تۋرالى «Lifenews.ru» حابارلاپ وتىر.

بەينەجازبادا امنايسماەلدىڭ ءوز پاتەرلەرىنىڭ بالكونىندا ەكى اياعىن تومەن قاراي سالبىراتىپ وتىرعانى بەينەلەنگەن. بۇل كورىنىستى ءتۇسىرىپ تۇرعان ونىڭ كۇيەۋى كيفاحفايرۋزدىڭ ايەلىن بۇل ارەكەتتەن باس تارتۋىن سۇراپ, بارىنشا جالىنىپ جاتقانى ەستىلەدى.

– امنا, ساعان نە بولعان؟ وتىنەمىن, قىمباتتىم, مەنى ويلاماساڭ دا اناڭدى ويلاشى, – دەپ جان داۋىسىمەن جالبارىنىپ جاتقان كۇيەۋى قانشا تىرىسقانىمەن سۇمدىقتىڭ بەتىن قايتارا المادى. ءبىراز ۋاقىت كۇيەۋىنە قاراپ جاۋاپ قايتارىپ وتىرعان ايەل كەنەت تومەن قاراي سىرعىپ كەتىپ قازا تابادى.

بەيرۋت قالاسىنىڭ پوليتسياسى سۋيتسيد فاكتىسى بويىنشا تەرگەۋ جۇمىستارىن باستاپ كەتتى. بەلگىلى بولعانداي, ەرلى-زايىپتىلار اراسىندا ۇنەمى ۇرىس-كەرىس بولىپ جاتاتىن. بۇدان بۇرىن دا امنايسماەل بىرنەشە رەت ءوز وزىنە قول جۇمساۋعا باراتىنىن ايتىپ, كۇيەۋىن قورقىتقان كورىنەدى.

پوليتسيا كيفاحفايرۋزدى كەپىلدىكپەن بوساتتى. وعان قارسى قانداي دا ءبىر ايىپتىڭ تاعىلۋى نە تاعىلماۋى ازىرگە بەلگىسىز.

ايدار ورىسباەۆ.

{youtube}EuA_v7b1Kdw{/youtube}