ال ەندى جاڭادان اشىلعان كوتەرمە بولشەك-ساۋدا ورتالىعىنا ابايدىڭ ەسىمىن بەرگەندەر بىلاي دەپ ويلاپتى: بۇرىن بۇل كوشە بويى ازان-قازان ساۋداسى قىزعان بازار بولعان ەدى.
ءسويتىپ اباي اتىنداعى كوشەنىڭ بۇرىنعى ساۋدا-ساتتىق كوشەسىنە اينالعان اتاعىن قايتادان قايتارعىلارى كەلىپتى.
– جاڭا ورتالىقتا ازىق-ت ۇلىكتەر ساپالى, باعالارى قولجەتىمدى. جالعا الۋشىلارعا قويىلاتىن تالاپ – ءونىمنىڭ باعاسى مەن ساپاسى. ساۋدا نۇكتەسى وندىرۋشىلەرمەن, شارۋا قوجالىقتارىمەن, كوتەرمە ساۋدا ورىندارىمەن تىكەلەي جۇمىس ىستەيدى. ورتالىقتا قالاداعى الەۋمەتتىك بازارلار مەن جارمەڭكەلەر دەڭگەيىندە باعالار ساقتالادى. كوتەرمە ساۋدا مەن بولشەك ساۋدانىڭ باعاسى وزگەرمەي بىردەي بولادى, – دەيدى قالالىق كاسىپكەرلىك ءبولىمىنىڭ ماماندارى.
قالالىق اكىمدىك, كاسىپكەرلىك ءبولىمى كوتەرمە بولشەك-ساۋدا ورتالىعىنا ۇلى ابايدىڭ ەسىمىن بەرگەندەرىنە ءتىپتى سەلت ەتپەيتىن دە, ۇيالمايتىن دا سەكىلدى.
ال كۇنى كەشە قالالىق اكىمدىكتە وبلىس ورتالىعىن كورىكتەندىرۋ جۇمىستارى تۋرالى ماسەلەلەر تالقىلاندى.
ابايدىڭ 175 جىلدىعىنا وراي وبلىس ورتالىعىندا اقىننىڭ اتى بەرىلگەن ەلەۋسىزدەۋ قالعان كوشە تولىق اباتتاندىرىلىپ, كورىكتەندىرىلمەك.
– كوشە بويىندا ورنالاسقان جەر ۇيلەردىڭ سىرتقى كەلبەتىنە دە ءمان بەرۋ كەرەك. تۇرعىندار ءوز ۇيلەرىنىڭ قاقپاسى, قورشاۋى, شاتىرلارىن جوندەۋلەرى قاجەت. اباي كوشەسىن كورىكتەندىرۋ بويىنشا ناقتى تۇجىرىم جاسالسىن, – دەدى قالا اكىمىنە وبلىس اكىمى بولات باقاۋوۆ.
بۇل تۇجىرىم – ابايدىڭ ەسىمىن كوتەرمە-بولشەك ساۋدا ورتالىعىنا بەرگەن قالالىق اكىمدىككە دە وي تاستار.
پاۆلودار
