وبلىس ورتالىعىنداعى تەمىرجول, اۆتوبۋس ۆوكزالدارى وزگە وڭىرلەرگە قاراعاندا ءبىر ەرەكشەلىگى-ەكەۋى ءبىر جەردە ورنالاسقان. قالا قوناقتارى مەن, جولاۋشىلارعا وتە ءتيىمدى.
قوس ۆوكزالدىڭ جۇمىسىمەن تانىسقان وبلىس اكىمى بولات باقاۋوۆ جولاۋشىلارعا جايلىلىق جاساۋعا باعىتتالعان بىرقاتار تاپسىرما بەردى. تەمىرجول ۆوكزالىنىڭ عيماراتى تابيعي تاس – مارمارمەن قاپتالعان. سوندىقتان قايتا جوندەۋدىڭ ەسكيزدىك جوباسى اكىمدىكپەن كەلىسىلىپتى.
-بىراق, ۆوكزالدى جوندەپ, جاڭالاۋ عانا ەمەس, ەرەكشە تاسپەن كومكەرىلگەن بىرگەيلىگىن ساقتاۋ مىندەتىمىز, دەدى «ساپارجاي پاۆلودار» جشس ديرەكتورى پاۆەل براسلاۆسكي.
ال, نىساندى قايتا قالپىنا كەلتىرۋ, جوندەۋ كاسىپورىننىڭ ءوز قارجىسىنا جاسالماق. پ.براسلاۆسكيدىڭ مالىمدەۋىنشە, پاۆلودار ۆوكزالى كاسىپورىننىڭ جەكە قاراجاتىمەن قىزمەت كورسەتۋدە. سونىمەن قاتار قوس ۆوكزال ماڭىنداعى اۋماقتى رەتتەۋ دە قولعا الىنباق. كاسىپورىن باسشىلىعىنىڭ ايتۋىنشا, زاڭسىز كەلىپ تۇرىپ العان تاكسي جۇرگىزشىلەرىنىڭ كەسىرىنەن كەپتەلىستەر ورىن الىپ, جولاۋشىلارعا جايسىزدىق تۋعىزۋدا.
سوندىقتان اۆتوۆوكزال مەن تەمىرجول ۆوكزالىنا كەلۋشىلەردى جەكە كىرگىزىپ-شىعاراتىن شلاگباۋمدار ورناتۋ ۇسىنۋدا. زاڭدى تۇردە جولاۋشىلار تاسىمالىمەن اينالىساتىن ليتسەنزياسى بار تاكسيستەرگە جەكە تۇراق قاراستىرۋ ويلاستىرىلۋدا. قوس ۆوكزالدا جىلىتىلاتىن ايالداما, زاماناۋي تاماقتانۋ ورنى دا اشىلادى.
سونداي-اق 90-جىلداردىڭ جاعدايىندا قالىپ قويعان, كوپشىلىك «كورت» دەپ اتاپ كەتكەن ۆوكزالدار ماڭىنداعى بازار, چكالوۆ كوشەسى, 16-ءۇي مەكەنجايىنا دەيىنگى ارالىقتى تولىق جاڭارتۋدان وتكىزىلەدى. بۇعان دەيىن قالانىڭ كولىكتىك ينفراقۇرىلىمى ستراتەگياسىن قۇرعان الماتىلىق ينستيتۋتتى اتالعان وزگەرىستەردى ەنگىزۋ ىسىنە تارتۋ مۇمكىندىگى بار.
