ماسەلەن, «بيزنەستىڭ جول كارتاسى-2020» باعدارلاماسىن ىسكە اسىرۋعا 2019 جىلعا 2627,3 ميلليون تەڭگە بولىنگەن بولاتىن. سونداي-اق 1355,5 ميلليون تەڭگەنىڭ 289 جوباسىنا قولداۋ كورسەتىلدى. بۇل وسى باعىتتاعى جۇمىستىڭ بەلسەندى سيپات العانىن ايعاقتايدى.
بيزنەستى قولداۋ شارالارى جالعاسا تۇسۋدە ەكەنىن دە ايتقان ءجون. وتكەن جىلدىڭ تامىز ايىندا «جەكە كاسىپكەرلىكتى مەملەكەتتىك قولداۋدىڭ كەيبىر شارالارى تۋرالى» قازاقستان رەسپۋبليكاسى ۇكىمەتىنىڭ 2016 جىلعى 19 ساۋىردەگى قاۋلىسىنا وزگەرىستەر ەنگىزىلدى. مۇندا سۋبسيديالاۋ جانە كەپىلدىك بەرۋ ءۇشىن كوزدەلگەن قارجى جەرگىلىكتى جانە رەسپۋبليكالىق بيۋدجەت قاراجاتى ەسەبىنەن قاراپايىم زاتتاردىڭ ەكونوميكاسىن نەسيەلەۋ باعدارلاماسى مەن تەتىگى بويىنشا اۋدارىلاتىن بولادى. ەنگىزىلگەن وزگەرىستەرگە بايلانىستى اقمولا وبلىسىن سۋبسيديالاۋعا – 703 ميلليون تەڭگە ءبولىنىپ وتىر. بۇل قاجەتتى مولشەردەگى قاراجات بولىپ تابىلادى.
ەندىگى جەردە كاسىپكەرلەر ەكىنشى دەڭگەيلى بانكتەرگە «بيزنەستىڭ جول كارتاسى-2020» باعدارلاماسىنا قاتىسۋ ءۇشىن الىنعان نەسيەنىڭ پايىزدىق مولشەرلەمەسىن سۋبسيديالاۋ بويىنشا جۇگىنە الادى.
جۇمىسپەن قامتۋ جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان «ەڭبەك» مەملەكەتتىك باعدارلاماسىنىڭ ەكىنشى باعىتىن ىسكە اسىرۋعا ەلەۋلى كومەك كورسەتىلۋدە.
ناقتىلاي تۇسسەك, 2019 جىلى شاعىن نەسيەلەۋگە – 974,8 ميلليون تەڭگە, نەسيە كەپىلدىگى ءۇشىن 70,9 ميلليون تەڭگە بولىنگەن. مۇندا نەسيە سوماسى 6,5 مىڭ ايلىق ەسەپتىك كورسەتكىشكە دەيىن, نەسيەنىڭ جىلدىق ءوسىمى 6 پروتسەنتتەن اسپايدى. سونىمەن بىرگە كرەديت بيزنەستى ينۆەستيتسيالاۋعا – 5 جىلعا جانە اينالىم قاراجاتىن تولىقتىرۋعا 3 جىلعا دەيىن مەرزىمدى قامتيتىن بولادى. شاعىن بيزنەس اشۋ ءۇشىن «باستاۋ بيزنەس» جوباسى شەڭبەرىندە بيزنەس جوبالاردى قورعاعان جانە سوڭعى ەكى جىل ىشىندە وزگە باعدارلامالار اياسىندا كاسىپكەرلىك نەگىزدەرىنە وقىتۋ سەرتيفيكاتى بولعان جاعدايدا ءتيىستى نەسيە قارجىسىن يەمدەنۋگە ءوتىنىش قابىلدانادى.
«باستاۋ بيزنەس» جوباسى بويىنشا وتكەن جىلى ءۇش لەكتىك شەڭبەرىندە 1270 ادام وقىتىلسا, «جاس كاسىپكەر» جوباسى بويىنشا 950 ادام كۋرستارعا قاتىستى. ياعني, بەلگىلەنگەن جوسپار تولىق ورىندالعان.
