شىمكەنتتە ءوز اجەسى مەن ەكى اپكەسءىن ايۋاندىقپەن ولتىرگەن جاس جىگىتكە قاتىستى سوت ۇكىمءى شىقتى. ەندى قاندىقول قىلمىسكەر 23 جىل ءومىرىن قاتاڭ رەجيمدەگى قاپاستىڭ ارعى جاعىندا وتكىزەتىن بولادى. بۇل تۋرالى otyrar.kz حابارلايدى.
«ۇلكەن اپاسى, ياعني اكەسىنىڭ اناسى مەن ەكى اپكەسىن پىشاقتاپ ولتىرگەنى ءۇشىن 28 جاستاعى جىگىت ءتيىستى جازاسىن الدى. قازاقستان رەسپۋبليكاسى قىلمىستىق كودەكسىنىڭ 96 جانە 175-باپتارىنا سايكەس ايىپتالۋشى 23 جىلعا باس بوستاندىعىنان ايرىلۋ جازاسىنا كەسىلدى. سوتتالۋشى جازاسىن قاتاڭ رەجيمدەگى تۇرمەدە وتەيتىن بولادى» دەيدى اۋدانارالىق مامانداندىرىلعان قىلمىستىق ىستەر جونىندەگى سوتتىڭ توراعاسى مىندەتىن اتقارۋشى ءابينۇر قاراباەۆ.
ايتا كەتۋ كەرەك, پروكۋرور ايىپتالۋشىعا ءومىر بويى اباقتىعا قاماۋ جازاسىن بەرۋدى سۇراعان بولاتىن.
ەسكە سالا كەتەيىك, ۇستىمىزدەگى جىلدىڭ ءساۋىر ايىندا جاس جىگىت ءوزىنىڭ اجەسى مەن ەكى اپكەسىن پىشاقتاپ ولتىرگەن بولاتىن. كريميناليستەر مارقۇمداردىڭ دەنەسىنەن 50-دەن استام پىشاق جاراقاتىنىڭ ورنىن تاپقان.
مۇرات ايتقوجا.
