جارقايىڭ اۋدانى ەلىمىزدىڭ استىقتى ولكەلەرىنىڭ ءبىرى. جالپى العاندا 600 مىڭ گەكتاردان استام ەگىستىك القابى بار ولكە ءۇشىن اۋىل شارۋاشىلىعى دامۋىنىڭ ماڭىزى زور. وسىعان بايلانىستى قازاقستان رەسپۋبليكاسى پارلامەنتى ءماجىلىسىنىڭ دەپۋتاتى م.تەمىرجانوۆ اۋدان اكىمى م.بالپانمەن بىرگە دەرجاۆين قالاسىنىنىڭ «اگروپرومتەحنيكا» جاۋاپكەرشىلىگى شەكتەۋلى سەرىكتەستىگىنىڭ ءماجىلىس زالىندا اۋىل شارۋاشىلىق ۇيىمدارىنىڭ باسشىلارىمەن كەزدەستى.
كەزدەسۋ بارىسىندا اۋىل شارۋاشىلىق سالاسىنداعى وزەكتى ماسەلەرى تالقىلاندى. «اقبيداي» جشس باسشىسى گ.ليۋلكوۆيچ كادر تاپشىلىعىن تىلگە تيەك ەتسە, «وسانا-اگرو» جشس باسشىسى ي.پۋگاچەۆ اۋىلداردا ماماندارعا ءۇي سالۋ ماسەلەسى بويىنشا كرەديتتەر ءبولۋ تۋرالى ماسەلەنى كوتەردى. اۋىل شارۋاشىلىق ۇيىم باسشىلارىن تاعى ءبىر مازالايتىن سۇراق ول سۋبسيديالاۋ, وسى سۇراقتى «زەرنوترانس اە» جشس ۆ.ۆينيچۋك كوتەردى. مۇرات باريت ۇلى بارلىق سۇراقتارعا تۇسىندىرمە بەردى.
بۇدان كەيىن ماجىلىس دەپۋتاتى م.تەمىرجانوۆ «حلەبنايا نيۆا» جاۋاپكەرشىلىگى شەكتەۋلى سەرىكتەستىگىنىڭ جۇمىسىمەن تانىستى.
سول كۇنى «Nur Otan» پارتياسى اۋداندىق فيليالىنىڭ قوعامدىق قابىلداۋ بولىمىندە قازاقستان رەسپۋبليكاسى پارلامەنتى ءماجىلىسىنىڭ دەپۋتاتى مۇرات تەمىرجانوۆ ازاماتتاردى جەكە ماسەلەلەرى بويىنشا قابىلدادى. ءۋاليحان اۋىلىنىڭ تۇرعىنى ا.احمەتوۆ پەتروپاۆل-جەزقاعان رەسپۋبليكالىق ماڭىزى بار جولدىڭ ءۋاليحان-دەرجاۆين جولارالىعىن جوندەۋ ماسەلەسىن كوتەرسە, ك.دۋبروۆين كوستىچەۆ اۋىلىنداعى ءموبيلدى بايلانىس جوقتىعىن ايتىپ, ءتيىستى قولداۋ كورسەتۋدى سۇرادى.
سونداي-اق مۇرات تەمىرجان ۇلى «Nur Otan» پارتياسى جۇزەگە اسىرىپ جاتقان «حالىققا كومەك» جوباسىنىڭ اياسىندا تۇرعىن ءۇي كىلتىن العان كوپبالالى انا يرينا كامىشوۆانىڭ پاتەرىندە بولىپ, وتباسىنىڭ تۇرمىس-تىرشىلىگىمەن تانىستى.
