كەشە قازاقستان پرەزيدەنتى نۇرسۇلتان نازارباەۆ رەسەي فەدەراتسياسىنىڭ پرەزيدەنتى ۆلاديمير پۋتينمەن تەلەفون ارقىلى سويلەستى, دەپ حابارلادى پرەزيدەنتتىڭ ءباسپاسوز قىزمەتى.
اڭگىمەلەسۋ كەزىندە مەملەكەت باسشىلارى ەكىجاقتى ىنتىماقتاستىقتىڭ وزەكتى ماسەلەلەرىن, سونداي-اق, ينتەگراتسيالىق ۇدەرىستەردى دامىتۋ سالاسىنداعى ۋاعدالاستىقتاردىڭ ىسكە اسىرىلۋ بارىسىن تالقىلادى.
نۇرسۇلتان نازارباەۆ پەن ۆلاديمير پۋتين سانكت-پەتەربۋرگ قالاسىندا وتەدى دەپ جوسپارلانىپ وتىرعان G-20 ءسامميتى باعدارلاماسىنىڭ نەگىزگى اسپەكتىلەرى تۋرالى دا ءسوز قوزعادى.
بۇعان قوسا, ەكى مەملەكەتتىڭ كوشباسشىلارى وڭىرارالىق ىنتىماقتاستىق پەرسپەكتيۆالارىن, سونىڭ ىشىندە بيىل بىشكەكتە وتەدى دەپ كۇتىلىپ وتىرعان شانحاي ىنتىماقتاستىق ۇيىمى ءسامميتىنىڭ كۇن تارتىبىندەگى نەگىزگى ماسەلەلەردى تالقىلادى.
سوڭىندا تاراپتار ەكىجاقتى جانە وڭىرلىك دەڭگەيدەگى ءوزارا ءىس-قيمىلدى نىعايتۋ جونىندەگى جۇمىستاردى جالعاستىرۋ قاجەتتىگىنە توقتالدى.
