كەشە قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى – وڭىرلىك دامۋ ءمينيسترى باقىتجان ساعىنتاەۆ جۇمىس ساپارىمەن قىزىلوردا وبلىسىنا باردى.
تۇسكە دەيىن ءبىرىنشى ۆيتسە-پرەمەر «سىرداريا وزەنى ارناسىن رەتتەۋ جانە ارال تەڭىزىنىڭ سولتۇستىك بولىگىن ساقتاۋ» جوباسى اياسىندا سالىنعان كوكارال پلوتيناسىنىڭ جۇمىسىمەن تانىستى. اتالعان جوبا ارال اۋدانىنىڭ الەۋمەتتىك-ەكونوميكالىق جاعدايىن جانە ەكولوگيالىق تەپە-تەڭدىكتى جەتىلدىرۋ, سونىمەن قاتار, وڭىردە بالىق شارۋاشىلىعىن دامىتۋ ماقساتىندا جۇزەگە اسىرىلۋدا.
كەشە قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى – وڭىرلىك دامۋ ءمينيسترى باقىتجان ساعىنتاەۆ جۇمىس ساپارىمەن قىزىلوردا وبلىسىنا باردى.
تۇسكە دەيىن ءبىرىنشى ۆيتسە-پرەمەر «سىرداريا وزەنى ارناسىن رەتتەۋ جانە ارال تەڭىزىنىڭ سولتۇستىك بولىگىن ساقتاۋ» جوباسى اياسىندا سالىنعان كوكارال پلوتيناسىنىڭ جۇمىسىمەن تانىستى. اتالعان جوبا ارال اۋدانىنىڭ الەۋمەتتىك-ەكونوميكالىق جاعدايىن جانە ەكولوگيالىق تەپە-تەڭدىكتى جەتىلدىرۋ, سونىمەن قاتار, وڭىردە بالىق شارۋاشىلىعىن دامىتۋ ماقساتىندا جۇزەگە اسىرىلۋدا.
ارال قالاسىندا باقىتجان ساعىنتاەۆ 2009 جىلى پايدالانۋعا بەرىلگەن بالىق ونىمدەرىن قايتا وڭدەۋ زاۋىتىندا بولدى. مۇنداعى كەشەن ەۋرووداق ەلدەرىنە بالىق ونىمدەرىن وتكىزۋ ءۇشىن سانيتارلىق-گيگيەنالىق نورمالاردىڭ تالاپتارىنا (ناسسر) سايكەس سالىنعان. وسىدان كەيىن ءبىرىنشى ۆيتسە-پرەمەر «قولجەتىمدى تۇرعىن ءۇي-2020» باعدارلاماسى اياسىندا تۇرعىزىلىپ جاتقان ۇيلەردىڭ قۇرىلىسىن قاراپ شىعىپ, قازالى اۋدانىنداعى ايتەكە بي كەنتىندە ورنالاسقان 660 باس ءىرى قارا مال كەشەنىنىڭ جانە «رزا» اق ءسۇت ونىمدەرىن وڭدەۋ زاۋىتىنىڭ جۇمىسىن كوردى. ودان سوڭ باقىتجان ساعىنتاەۆ عاني مۇراتباەۆ اۋىلدىق وكرۋگىندە بولىپ, وندا اۋىل اكىمدەرىنىڭ سايلاۋعا دايىندىق بارىسى جونىندەگى اقپاراتتى تىڭدادى جانە وكرۋگتىڭ الەۋمەتتىك-ەكونوميكالىق دامۋىمەن تانىستى.
تۇستەن كەيىن ءبىرىنشى ۆيتسە-پرەمەر 2 شىلدەدە «بايقوڭىر» كوسمودرومىنان ۇشىرىلعان «پروتون-م» زىمىران تاسىعىشى قۇلاعان اۋماقتى قاراپ شىقتى. سونداي-اق, «گاگارينسكي ستارت» الاڭىندا جانە «بايقوڭىر» كوسمودرومىنىڭ مۇراجاي كەشەنىندە بولدى جانە تورەتام اۋىلىنداعى 100 ادامدىق اۋرۋحانانىڭ جاڭا عيماراتىن كورىپ شىقتى. بايقوڭىر قالاسىندا پرەمەر-ءمينيستردىڭ ءبىرىنشى ورىنباسارى «پروتون-م» زىمىران تاسىعىشى قۇلاعان ايماقتاعى زارداپتاردى جويۋ جونىندەگى جۇمىس كوميسسياسىنىڭ قورىتىندىلارى بويىنشا كەڭەس وتكىزەدى, دەپ حابارلادى قازاقستان رەسپۋبليكاسى وڭىرلىك دامۋ مينيسترلىگىنىڭ ءباسپاسوز قىزمەتى.
