تاۋەلسىزدىگىمىزدىڭ العاشقى جىلدارىندا «سۇلتان» ەلەۆاتور-ءديىرمەن-كەشەنى» كاسىپورنى پەتروپاۆل قالاسىندا سالىنىپ, ماكاروننىڭ نەشەمە جەڭسىك تۇرلەرىن شىعارا باستاعاندا «ە, ەندى وعان جۇرەگى داۋالاپ باسەكەلەس شىعا قويماس» دەگەن ويدا بولعان ەدىك. ويتكەنى, انادولى ەلىنەن مول ينۆەستيتسيا قۇيعان تۇركيالىق باۋىرىمىز وكان بەي از عانا جىلدىڭ ىشىندە قازاقستان رىنوگىمەن قوسا الىس-جاقىن شەتەلدەردى دە ساپالى ونىمدەرىمەن جاۋلاپ العان-دى. قازىر الەمگە تانىمال ءىرى الپاۋىتتاردىڭ ءبىرى. سويتسەك, جاڭىلىسقان ەكەنبىز.
تاۋەلسىزدىگىمىزدىڭ العاشقى جىلدارىندا «سۇلتان» ەلەۆاتور-ءديىرمەن-كەشەنى» كاسىپورنى پەتروپاۆل قالاسىندا سالىنىپ, ماكاروننىڭ نەشەمە جەڭسىك تۇرلەرىن شىعارا باستاعاندا «ە, ەندى وعان جۇرەگى داۋالاپ باسەكەلەس شىعا قويماس» دەگەن ويدا بولعان ەدىك. ويتكەنى, انادولى ەلىنەن مول ينۆەستيتسيا قۇيعان تۇركيالىق باۋىرىمىز وكان بەي از عانا جىلدىڭ ىشىندە قازاقستان رىنوگىمەن قوسا الىس-جاقىن شەتەلدەردى دە ساپالى ونىمدەرىمەن جاۋلاپ العان-دى. قازىر الەمگە تانىمال ءىرى الپاۋىتتاردىڭ ءبىرى. سويتسەك, جاڭىلىسقان ەكەنبىز.
وبلىس ورتالىعىنان شالعاي ەسىل اۋدانىندا ورنالاسقان «ەگىن» جشس ديىرمەن-ماكارون كەشەنىن پايدالانۋعا بەرىپتى دەگەندە باستاپقىدا سەنبەگەنىمىز راس. كەيىن ونىڭ تۇساۋكەسەرىنە كۋا بولدىق. 2011 جىلى جەلتوقساندا پرەزيدەنت نۇرسۇلتان نازارباەۆ قاتىسقان تەلەكوپىردە ىسكە قوسىلىپ, العاشقى ءونىمىن كوپشىلىككە ۇسىندى. سودان بەرى ۇدەمەلى يندۋستريالىق-يننوۆاتسيالىق دامۋ باعدارلاماسى اياسىندا جۇمىس ىستەپ كەلە جاتقان شارۋاشىلىق ءوز ونىمدەرىن «قازاقستاندا جاسالعان» دەگەن بەلگىمەن ەلىمىزدەن تىسقارى تۇركىمەنستان, وزبەكستان, قىرعىزستان, تاجىكستان, اۋعانستانعا جونەلتەدى. بۇعان دەيىن تەك ەگىنشىلىكپەن اينالىسسا, ەندى استىق ونىمدەرىن ۇقساتىپ, وتكىزۋمەن دە شۇعىلداناتىن بىرەگەي ءىرى اگروقۇرىلىمعا اينالدى.
–العاشقى جىلدارى 3-4 مىڭ گەكتار القاپقا استىق ءوسىرىپ جۇردىك. كەيىن ونىڭ كولەمىن ەكى ەسەگە دەيىن كوبەيتتىك. ءار جىل سايىن مول ءتۇسىم جينالىپ, ماشينا-تراكتور پاركىمىزدى جاڭالاپ الدىق. بىردە ءتيىستى ورىندار تاراپىنان جەڭىلدەتىلگەن نەسيەلىك قارجى ارقىلى جۇمىس ىستەۋ جونىندە ۇسىنىس ءتۇستى. ونى قۇپ الىپ, ۇكىمەتتىڭ زور قامقورلىعىن ءتيىمدى ۇقساتتىق. استىق كەپتىرگىشى بار ءارى بيداي تازالايتىن كەشەن, سىيىمدىلىعى 20 مىڭ توننالىق استىق ساقتايتىن قويما ورناتتىق. ءىسىمىز ودان ءارى وڭعارىلىپ, گەكتار بەرەكەلىلىگىن 30 تسەنتنەرگە دەيىن جەتكىزگەن كەزدەرىمىز بولدى. بۇرىندارى قۋاڭشىلىق جىلدارى 14 تسەنتنەر ءونىم الۋ ءوڭىمىز تۇگىل تۇسىمىزگە ەنبەيتىن.
مەملەكەتتىڭ جان-جاقتى كورسەتىلگەن دەمەۋقارجىسى جايلى وسىلايشا تولعانا سويلەگەن «ەگىن» جشس-ءنىڭ باس ديرەكتورى ۆلاديمير چۋبىكين ماڭداي تەرمەن وسىرىلگەن ريزىقتى ءوز كاسىپورنىندا تولىق ۇقساتىپ, ودان الىنعان دايىن ءونىمدى ءوتكىزۋ تۋرالى شەشىمگە كەلۋ ءۇشىن ون ويلانىپ, مىڭ تولعانعان ءتارىزدى. العا قويعان يگى ماقساتىن تولىققاندى ورىنداۋ ءۇشىن قازاقستان نارىعىن جان-جاقتى زەرتتەپ, وي سۇزگىسىنەن وتكىزگەن سەكىلدى. رەسەيگە دەيىن ساپارلاپ قايتىپتى. سودان قابىرعاسىمەن كەڭەسە كەلىپ, بىرتىندەپ ىسكە اسىرۋعا كىرىسكەن. ۇكىمەتتىڭ 150 ميلليون تەڭگە قارجىلىق قولداۋىنا يە بولىپ, تاۋلىگىنە 120 تونناعا دەيىن بيداي وڭدەيتىن ديىرمەن كەشەنىن ساتىپ العان. شەتەلدىك وزىق قۇرال-جابدىقتار ورناتىلعان. استىق ساقتاۋعا ارنالعان 12 مىڭ توننالىق 4 قوندىرعى بوي كوتەرىپ, 50-گە تارتا ادام تۇراقتى جۇمىسقا تارتىلعان. وسىلايشا, ءوز جولىن تاۋىپ, ۇلكەن سەنىمگە بولەنگەن سەرىكتەستىك يندۋستريالاندىرۋ كارتاسى شەڭبەرىندە جارتى ميلليارد تەڭگەنىڭ جاڭا جوباسىن يگەرۋگە بەل بۋعان. ءبىر ميلليون دوللاردىڭ قۇرال-جابدىقتارى يتاليادان جەتكىزىلگەن. ولاردىڭ قاتارىنا 10-عا جۋىق ماكارون ونىمدەرىن شىعاراتىن, كەپتىرەتىن, قاپتايتىن زاماناۋي قوندىرعىلار ورناتىلىپ, جىلدىق قۋاتتىلىعى 4 مىڭ تونناعا دەيىن جەتكىزىلگەن. قازىر مۇندا «mr*MacCaroli» ماركاسىمەن ءارتۇرلى كيلولىق قاپتامالاردا ماكارون قىزىلجاردىڭ ساپالى بيداي ۇنىنان جاسالادى. كاسىپورىن بۇدان تىسقارى جوعارى, ءبىرىنشى سۇرىپتى ۇن, تۇيىرشەكتەلگەن ۆيتاميندى كەبەك وندىرەدى. تاۋار ساپالىلىعى جوعارى باعالانىپ, «قازاقستاننىڭ ۇزدىك تاۋارلارى» بايقاۋ-كورمەسىنە, «قاراوتكەل-2012» اگروونەركاسىپ جەتىستىكتەرى كورمە-جارمەڭكەسىنە قاتىسقان. اۋىل شارۋاشىلىعى ءمينيسترىنىڭ ديپلومىمەن ماراپاتتالىپ, وڭىرلىك بايقاۋلاردىڭ جەڭىمپازى اتانعان.
وبلىس باسشىلارىنىڭ قولدا
