شىعىس قازاقستان وبلىسى شەمونايحا اۋدانىنداعى «وكتيابر» ورتا مەكتەبى-بالاباقشا كەشەنىنىڭ وقۋشىلارى ۆولچانكا اۋدانىنداعى «كوشپەندىلەر» جازعى لاگەرىندە دەمالدى. ولاردىڭ جازعى دەمالىسى ەستە قالارلىقتاي كوڭىلدى, قىزىقتى ءوتتى. بالالار لاگەردە دوستاسىپ كەتتى. ءبىرىنشى كۇننەن باستاپ ءارتۇرلى سپورتتىق ويىندار ۇيىمداستىرىلدى.
لاگەردەگى ءتورتىنشى كەزەڭ – سپورت كەزەڭى بولعاندىقتان, فۋتبولدان, سۋدا جۇزۋدەن, باسقا دا سپورت تۇرلەرىنەن كوپتەگەن جارىستار وتكىزىلدى. تاربيە شارالارى دا وتە قىزىقتى ءوتتى. «داڭق ساتتەرى», «كوشپەندىلەردىڭ ءساندى كيىمدەرى» جارىستارى, وتريادتاردىڭ تانىستىرىلىمدارى وقۋشىلار ەسىندە قالدى. «ءبىز وسى لاگەر بارىسىندا ويىنداردى ۇيىمداستىرىپ, ۋاقىتتىڭ قىزىقتى وتۋىنە اتسالىسقان ۇيىمداستىرۋشىلارعا, تاربيەشىلەرگە ۇلكەن العىسىمىزدى ءبىلدىرەمىز», – دەدى ولار لاگەرمەن قوشتاسۋ كەزىندە.
باقىت سىلتەەۆا,
«وكتيابر» ورتا مەكتەبى ديرەكتورىنىڭ تاربيە جۇمىسى جونىندەگى ورىنباسارى.
شىعىس قازاقستان وبلىسى.
