پارلامەنت • 13 قاڭتار، 2020

نۇرلان نىعماتۋلين: شىعىس قازاقستان – يندۋستريالىق الەۋەتى مىقتى ىرگەلى ايماقتاردىڭ ءبىرى

24 رەتكورسەتىلدى

ءماجىلىس دەپۋتاتتارىنىڭ ايماقتارعا ءىس-ساپارى بارىسىندا پارلامەنت ءماجىلىسى توراعاسى نۇرلان نىعما­تۋلين العاشقى ساپارىن شىعىس قازاقستان وبلىسىنان باستادى. بيىل تۋعانىنا 175 جىل تولاتىن ۇلى تۇلعا اباي قۇنانباي ۇلىنىڭ تۋعان ولكەسىنە اتباسىن بۇرعان نۇر­لان نىعماتۋلين الدىمەن سەمەي قالا­سىنداعى «جيدەباي-ءبورىلى» مەم­لەكەت­تىك تاريحي-مادەني جانە ادەبي مەموريالدىق مۇراجايىندا بولدى.

ءماجىلىس توراعاسى ۇلى اباي قازىناسى قازاقستان حالقىنىڭ رۋحاني يگىلىگى ەكەنىن، ەلباسى نۇرسۇلتان نازارباەۆ پەن مەملەكەت باسشىسى قاسىم-جومارت توقاەۆتىڭ ۇلى اقىن شىعارمالارىن كەڭىنەن ناسيحاتتاۋعا ەرەكشە نازار اۋدارىپ وتىرعانىن اتاپ ءوتتى. ءماجىلىس توراعاسى پرەزيدەنتتىڭ «اباي جانە XXI عاسىرداعى قازاقستان» ماقالاسىندا كورسەتىلگەن اباي شىعارمالارىن ساقتاۋ جانە سەمەيدىڭ الەۋمەتتىك-ەكونوميكالىق دامۋىنا قاتىستى العا قويعان مىندەتتەردىڭ ماڭىزدىلىعىنا توقتالدى. نۇرلان نىع­ماتۋليننىڭ ايتۋىنشا، بۇل باعىتتاعى جۇمىستار ابايدىڭ 175 جىلدىعىن جوعارى دەڭگەيدە وتكىزۋمەن قاتار ەلىمىزدىڭ تاريحي-مادەني مۇرالارىن ودان ءارى نىعايتۋعا جول اشاتىنى ءسوزسىز.

وسىدان كەيىن ءماجىلىس توراعاسى سەمەي دارىگەرلەرىمەن كەزدەسىپ، وندا ءماجىلىس قاراۋىنا ەنگىزىلگەن «دەنساۋلىق تۋرالى» كودەكس اڭگىمە وزەگىنە اينالدى. نۇرلان نىعماتۋلين كودەكستىڭ جاڭا جوباسى ەلىمىزدە مەديتسينالىق قىزمەت كورسەتۋدىڭ ساپاسى مەن قولجەتىمدىلىگىن ارتتىرۋعا ايتارلىقتاي ۇلەس قوسۋ كەرەك ەكەنىن اتاپ ءوتتى. زاڭ جوباسىندا اۋرۋلاردىڭ الدىن الۋ، دارىگەرگە دەيىن جانە دارىگەرلىك كومەك كورسەتۋ دەڭگەيىن انىقتاۋ، سونداي-اق ترانسپلانتولوگيالىق جاڭا قادامدارعا قاتىستى كوپتەگەن جاڭالىق قاراستىرىلعان.

ءماجىلىس توراعاسى اتاپ وتكەندەي، قازىرگى ۋاقىتتا پالاتا قاراۋىنداعى ۇكىمەتتىك نۇسقا دەپۋتاتتاردىڭ ايماقتارعا ساپارى بارىسىندا ءتۇرلى ورتالاردا جان-جاقتى تالقىلانىپ جاتىر. نەگىزگى قۇرامىنا ءماجىلىس دەپۋتاتتارى، مەملەكەتتىك ورگان وكىلدەرى، ساراپشىلار، ۇەۇ مۇشەلەرى، مەديتسينالىق قىزمەتكەرلەرى كىرەتىن جۇمىس توبىندا اتالعان كودەكستىڭ باعىتتارى ناقتىلانىپ جاتىر.

دارىگەرلەر عانا ەمەس، مەكتەپ پەن بالا­باقشا باسشىلارى، پسيحولوگتار مەن قوعام­دىق ۇيىم مۇشەلەرى قاتىسقان مازمۇندى جيىندا ترانسپلانتولوگيا، الدىن الۋ ەكپە­لەرى، سكرينينگتىك زەرتتەۋلەر جانە باسقا دا ماسەلەلەر تالقىلاندى. ءماجىلىس توراعاسى بۇل قۇجات تۋرالى قورىتىندى جاساۋعا ءالى ەرتە ەكەنىن، بارلىق ۇسىنىس-پىكىر ەسكەرىلە وتىرىپ، حالىققا قاجەتتى، ساپالى زاڭ قابىل­داناتىنىن ايتتى.

سونىمەن قاتار نۇرلان نىعماتۋلين وسكەمەندەگى ەڭبەكپەن قامتۋ ورتالىعىندا بولىپ، كوپ بالالى انالارمەن جانە مەكەمە قىزمەتكەرلەرىمەن جۇزدەسىپ، اتالعان ورتالىققا كەلۋشىلەردىڭ الەۋمەتتىك احۋالىن، ااك جاڭا تۇرىنە بايلانىستى قۇجاتتىق راسىمدەۋ جايىن جانە قىزمەت كورسەتۋ ساپاسىن نازارىنا الدى.

ءماجىلىس توراعاسىمەن كەزدەسۋشىلەر قاتارىندا بولعان انالار ءتۇرلى مەملەكەتتىك قولداۋ ارقىلى قول جەتكىزگەن جەتىستىكتەرىمەن ءبولىستى. نۇرلان نىعماتۋلين وسى جىلدان باس­­تاپ كوپ بالالى انالارعا جاڭا مەم­لەكەت­تىك جاردەماقى تاعايىندالعانىن ەسكە سالدى. ول بالا سانىنا قاراي 42،5 مىڭ تەڭگەدەن 74 مىڭ تەڭگەگە دەيىن قامتيدى. بۇل جاردەماقىنى تولەۋدە وتباسى كىرىسى ەسەپكە الىنبايدى. ااك تولەۋدىڭ مىندەتتى شارتى – ەڭبەككە ورنالاستىرۋ. ءتيىستى ءبىلىم نەمەسە ماماندىق بولماعان جاعدايدا «ەڭبەك» باعدارلاماسى ارقىلى مەملەكەت ەسەبىنەن وقىپ، ماماندىق الۋعا مۇمكىندىك بەرىلەدى. وتكەن جىلدىڭ 11 ايى ىشىندە 12 مىڭ قازاقستاندىق قاتىسىپ، ااك الىپ، ءوز بيزنەستەرىن اشقان. 120 مىڭ اۋىل ازاماتتارى وزدەرىنىڭ جەكە شارۋاشىلىقتارى جۇمىسىن جولعا قويعان.

مەملەكەت باسشىسى جاريالاعان ۆولون­تەر جىلى جاڭا باستامالار ۋاقىتى بولماق. ءماجىلىس توراعاسى وسى تاقىرىپتاعى ويىن د.سەرىكباەۆ اتىنداعى شىعىس قازاق­ستان مەملەكەتتىك تەحنيكالىق ۋنيۆەر­سيتەتىندە بولعان وبلىستىق جاستار مەن ەرىكتىلەر ۇيىمدارى وكىلدەرىمەن كەزدەسۋدە ورتاعا سالدى. جيىندا ەلباسى نۇرسۇلتان نازارباەۆتىڭ ستراتەگياسىن جانە مەملەكەت باسشىسى قاسىم-جومارت توقاەۆ باعدارلامالارىن، سونداي-اق ولاردى زاڭنامالىق قامتاماسىز ەتۋدىڭ باسىم باعىتتارى ءسوز بولدى.

نۇرلان نىعماتۋلين شىعىس قازاقستان وبلىسى ونەركاسىبى جانە اۋىل شارۋاشىلىعى قاتار دامىعان، تاۋەلسىز ەلىمىزدىڭ ەكونوميكاسىنا زور ۇلەس قوسىپ كەلە جاتقان تابيعاتى باي، يندۋستريالىق الەۋەتى مىقتى ىرگەلى ايماقتاردىڭ ءبىرى ەكەنىن ايتتى. وسى رەتتە قازاقستاننىڭ بولاشاعى جاستاردا ەكەنىن العا تارتقان ءماجىلىس سپيكەرى ەلىمىزدىڭ جارقىن كەلەشەگى جاستاردىڭ تۋعان ەلىمىزدى وركەندەتۋگە بەلسەنە ارالاساتىنىنا سەنىم ءبىلدىردى.

 

شىعىس قازاقستان وبلىسى

 

سوڭعى جاڭالىقتار

التىن قورىمىز كوبەيىپ كەلە جاتىر

قازاقستان • بۇگىن، 17:30

اقمولادا تاعى ءبىر ناۋقاس انىقتالدى

كوروناۆيرۋس • بۇگىن، 16:07

قارعىن سۋ بالكاشيندى باسىپ قالدى

ايماقتار • بۇگىن، 16:05

تاسقىننىڭ بۇگىنگى احۋالى

ايماقتار • بۇگىن، 15:42

سالەحاردتان كەلگەن تسيكلون

ايماقتار • بۇگىن، 15:30

ەلوردادا جالپى جاعداي تۇراقتى

كوروناۆيرۋس • بۇگىن، 14:50

فۋتبول ماۋسىمى جالعاسا ما؟

سپورت • بۇگىن، 14:48

ۇقساس جاڭالىقتار