بىلتىرعى جەلتوقسان ايىندا كسرو حالىق ءارتىسى بيبىگۇل تولەگەنوۆا 90 جاسقا تولعان ەدى. سول كەزدە «قازاقتىڭ بۇلب ۇلى» اتانعان ونەر يەسىنىڭ مەرەيلى مەرەيتويىنا وراي ءانشىنىڭ تۋعان جەرى – سەمەي قالاسىنداعى مادەنيەت سارايىنا دارا تۇلعانىڭ ەسىمى بەرىلەتىنى تۋرالى ايتىلعان ەدى. بۇل جاڭالىقتى الماتىداعى اباي اتىنداعى وپەرا جانە بالەت تەاترىندا ب.تولەگەنوۆانىڭ 90 جىلدىعىنا وراي وتكەن شىعارماشىلىق كەشتە سەمەي قالاسىنىڭ اكىمى ەرماك ءسالىموۆ جەتكىزگەن-ءدى.
«بيبىگۇل تولەگەنوۆا قانداي قۇرمەتكە دە لايىق قوي. بۇل ۇسىنىستى سەمەي قالاسىنىڭ اكىمدىگىنە «ابىرالى-دەگەلەڭ» قوعامدىق قورى ايتقان بولاتىن. بىلتىر پرەمەر-ءمينيستردىڭ ورىنباسارى بەردىبەك ساپارباەۆ سەمەيگە جۇمىس ساپارىمەن كەلىپ, زيالى قاۋىم وكىلدەرىمەن كەزدەسكەندە وسى باستامانى كوتەرگەنبىز. ول كىسى ءبىزدى قولداعان ەدى. قور باسشىلىعى ونەرپازدىڭ الماتىدا وتكەن شىعارماشىلىق كەشىنە دە قاتىسىپ, قۇرمەت-قوشەمەت كورسەتىپ قايتتى. بيبىگۇل تولەگەنوۆا اپامىز ابىرالىعا بوتەن ەمەس. اتا-بابالارى سول توپىراقتىڭ تۋمالارى» دەيدى بەلگىلى مەتسەنات, «ابىرالى-دەگەلەڭ» قوعامدىق قورىنىڭ پرەزيدەنتى, وبلىستىق ءماسليحاتتىڭ دەپۋتاتى مارات قۇرمانباي.
سەمەي
