«بيىلدان باستاپ جەڭىلدىگى بار 15 ساناتقا جاتاتىن تۇرعىندارعا ساقتاندىرۋ پاكەتىندەگى قىزمەتتەر مەملەكەت ەسەبىنەن كورسەتىلەدى. قازىرگى تاڭدا شامامەن الماتى تۇرعىندارىنىڭ 44,7 پروتسەنتى اتالعان ساناتقا كىرەدى» دەدى نۇرلىبەك قابدىقاپاروۆ.
فيليال باسشىسى الماتىلىقتاردى مەديتسينالىق ساقتاندىرۋ جۇيەسىمەن تولىققاندى قامتۋ, بارلىق مەديتسينا ۇيىمدارداعى اقپاراتتىق جۇيەلەردى ىقپالداستىرۋ, ءاربىر تۇرعىننىڭ مارتەبەسىن انىقتاۋ ماسەلەلەرىنىڭ ماڭىزىن اتاپ ءوتتى. ايتۋىنشا, 2018 جىلدىڭ 1 قاڭتارىندا قالا بويىنشا مارتەبەسى انىقتالماعان 246 مىڭ ادام بولعان. وتكەن جىلدىڭ سوڭىندا 197 مىڭ ادامنىڭ ساقتاندىرۋ جۇيەسىندەگى مارتەبەسى انىقتالدى.
2020 جىلعا بەلگىلەنگەن جوسپار بويىنشا, 159,2 ملرد تەڭگەنىڭ قىزمەتى ساتىپ الىنباق. ونىڭ 103,5 ملرد تەڭگەسى – تەگىن كومەك پاكەتىنە, 55,7 ملرد تەڭگەسى – ءمامس پاكەتىنە تيەسىلى.
سونىمەن قاتار بيىلعى جىلى كت/مرت سىندى باعاسى قىمبات بولىپ كەلەتىن قىزمەتتەرگە 3,8 ملرد تەڭگەدەن استام, ونكولوگيالىق سىرقاتتاردى ەمدەۋگە 49 ملن تەڭگەدەن استام قارجى قاراستىرىلعان. جالپى قالا بويىنشا 12 كت, 13 مرت اپپاراتى بار.
الدىن-الا بەرىلگەن مالىمەتكە سۇيەنسەك, 2020 جىلى حالىققا 269 مەديتسينا ۇيىمى قىزمەت كورسەتەدى. ونىڭ 131-ءى - تەگىن مەديتسينالىق كومەك پاكەتى, 138-ءى - ساقتاندىرۋ پاكەتى بويىنشا جۇمىس ىستەيدى. قورمەن كەلىسىمشارت بەكىتكەن كلينيكالاردىڭ باسىم بولىگى - جەكە مەنشىك.
دەنساۋلىق ساقتاۋ ۆيتسە-ءمينيسترى ءلاززات اقتاەۆتىڭ سوزىنشە, الماتى قالاسىنىڭ ءمامس-كە دايىندىق دەڭگەيى جوعارى.
«بۇگىنگى تاڭدا مەيتسينا مەكەمەلەرىندەگى جۇمىس ورىندارى كومپيۋتەرمەن تولىق قامتاماسىز ەتىلگەن. مەملەكەتتىك ەمححانالار مەن اۋرۋحانالار اقپاراتتىق جۇيەلەرگە قوسىلعان. سونداي-اق, ءمامس ششەڭبەرىندە قالپىنا كەلتىرۋ, وڭالتۋ, كونسۋلتاتيۆتىك-دياگنوستيكالىق كومەك پەن ستاتسيوناردى الماستىراتىن كومەككە بولىنەتىن قاراجات تا ەداۋىر ارتىپ وتىر» دەيدى ۆيتسە-مينيستر.
