مۇعالىمنىڭ قوعامداعى ءرولى, ءبىلىم ساپاسىن ارتتىرۋدا وقۋشىمەن, اتا-انالارمەن بايلانىس ەرەكشەلىكتەرىنە توقتالعان ر.ماسىروۆا, ب.سەيداليەۆ, ن.تاكاشي, ا.الياز, گ.گاليپوۆا, ە.اۋەل جانە باسقا دا پەداگوگتار زاماناۋي تەحنولوگيالاردى كۇندەلىكتى وقىتۋ جۇيەسىنە ەنگىزۋ تاجىريبەلەرى تۋرالى جايىندا باياندادى. ال «II Global Teaching Forum Qazsaq» جوباسىنىڭ ديرەكتورى ديانا ابدىقادىروۆا, باس رەداكتور مەدينا رەي الداعى جوسپار, پەداگوگ ءۇشىن جوبانىڭ پايداسى, قوعامداعى ۇستاز مارتەبەسىن كوتەرۋ, وقىتۋشىلارعا ارنالعان ستيپەنديا, باسقا دا ماسەلەلەر توڭىرەگىندە وي ءوربىتتى.
«Qazsaq Media Group» ۇيىمداستىرعان فورۋم بارىسىندا رەسپۋبليكانىڭ ون پەداگوگىنا «Qazsaq» ستيپەندياسى جانە دە وزگە قاتىسۋشى ۇستازدارعا حالىقارالىق ديپلوم, «ۇزدىك پەداگوگ» توسبەلگىلەرى تابىس ەتىلدى. ۇزدىكتەردى ىرىكتەۋگە قازىلار القاسىنىڭ قۇرامىندا Nur Otan, «اتامەكەن» ۇكپ, قازاقستان حالقى اسسامبلەياسى وكىلدەرى قاتىستى. جوبا شارتى بويىنشا جەڭىمپاز بولىپ تانىلعان ۇستازدار 2020 جىلدىڭ مامىر ايىنا دەيىن «QazsaqMediaGroup» اتىنان ايلىق جالاقىسىنىڭ 10-15% مولشەرىندە قوسىمشا جاردەماقى الاتىن بولادى.
فورۋمعا قاتىسۋشىلار اراسىنان 30 پەداگوگ اعىمداعى جىلدىڭ 22 جەلتوقسانىندا ىستانبۇلدا وتەتىن حالىقارالىق ء«ىىI Global Teaching Forum Qazsaq» teach-تۋرىنا ىرىكتەلەدى. ال الداعى ۋاقىتتا فورۋمعا قاتىسقان ۇستازدار جۇمىستارىنىڭ جيناعى 50 000 تارالىممەن جارىق كورمەك.
الماتى
