وقيعا قالاي بولعان؟
«تيتانيك» جۇلدىزى ءوز ياحتاسىمەن كاريب تەڭىزىندە دەمالىپ جۇرگەن. ءبىر كەزدە ول راتسيادان تاعى ءبىر قايىق كاپيتانىنىڭ سيگنالىن ەستىگەن. ول ءوز جولاۋشىسىن جوعالتقانىن ايتقان: 24 جاستاعى فرانتسۋز ىشىمدىككە ماس بولىپ, بورتتان قۇلاپ كەتكەن كورىنەدى. ونىڭ سۋدا قانشا ۋاقىت بولعانى جانە قايدا ەكەنىن كاپيتان بىلمەگەن.
دي كاپريوعا تەڭىزدە جوعالىپ كەتكەن ەر ادامدى تابۋ ءۇشىن بىرنەشە ساعات كەرەك بولعان. ەر ادام كۇشى سارپىلعانىنا قاراماستان قولىن سوزىپ, كومەك سۇراعان.
بورتتان قۇلاپ كەتكەن ەر ادامنىڭ 11 ساعات بويى سۋدا بولعانى انىقتالدى.
ياحتادا لەوناردو دي كاپريو قۇتقارىلعان جىگىتكە تاماق بەرىپ, كيىندىرگەن. جولى بولعىش جىگىتتىڭ ەسىمى - ۆيكتور, ونىڭ قارنى اشىپ, ابدەن جۇدەگەن ەكەن. فرانتسۋز ەسىن جيناعان ۋاقىتتا, اكتەرعا العىس بىلدىرگەن. جولاۋشىسىن جوعالتقان كاپيتان تەڭىزدەن ادام تابۋ مۇمكىندىگى «ميللياردتان ءبىر» ەكەنىن ايتادى.
ايتا كەتەيىك, دي كاپريونىڭ ياحتاسى سيگنالعا جاۋاپ بەرگەن جالعىز كەمە بولعان.
