دۇنيەجۇزىلىك دەنساۋلىق ساقتاۋ ۇيىمىنىڭ مالىمەتى بويىنشا, جىل سايىن الكوگولدىڭ اسەرىنەن 3 ميلليوننان استام ادام قايتىس بولادى. جەر شارىنداعى ءاربىر 20 ادام ىشىمدىكتىڭ كەسىرىنەن قايتىس بولادى, ولاردىڭ 75% ەر ادامدار. ماسكۇنەمدىكتەن بولعان ءولىمنىڭ تورتتەن ءبىر بولىگى جازاتايىم وقيعالاردان, جانجالداردان جانە ءوز-وزىنە قول جۇمساۋعا بايلانىستى جاراقاتتاردان, ال تورتتەن ءبىرى – اسقازان-ىشەك جولدارىنىڭ اۋرۋلارى, 19% – جۇرەك اۋرۋلارى, قالعانى – جۇقپالى اۋرۋلار, راك اۋرۋلارى جانە پسيحيكالىق بۇزىلۋلار.
بۇۇ مالىمەتى بويىنشا, الكوگولدەن بولاتىن ءولىم-ءجىتىم دەڭگەيى جوعارى ەلدەردىڭ اراسىندا قازاقستان 10 ورىندا. ماسەلەن, الماتىدا 2019 جىلى التى مىڭنان استام ادام الكوگولدەن ۋلانىپ, ونىڭ ەكى مىڭى اۋرۋحاناعا جاتقىزىلدى. 23 ءولىم وقيعاسى تىركەلدى.
بۇل مالىمەتتەردى تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىندە وتكەن بريفينگتە ءبولىم باسشىسى ايزات مولداعاسيموۆا مالىمدەدى.
ەندىگى جەردە قازاقستان رەسپۋبليكاسى ۇكىمەتىنىڭ 2018 جىلعى 29 جەلتوقسانداعى № 921 قاۋلىسىمەن بەكىتىلگەن «كولەڭكەلى ەكونوميكاعا قارسى ءىس-قيمىلدىڭ 2019-2021 جىلدارعا ارنالعان ءىس-شارالار جوسپارىنا» سايكەس «قتلق» زتب الكوگول ونىمدەرىن زاڭسىز انىقتاۋ بويىنشا كەڭ كولەمدى اكتسيا وتكىزەدى.
سونىمەن, 2019 جىلى قازاقستان رەسپۋبليكاسىنىڭ ءارتۇرلى قالالارىندا تۇراتىن ازاماتتاردان «قازاقستاننىڭ تۇتىنۋشىلار ليگاسى» قاۋىمداستىعىنا» جالعان الكوگولدى ىشىمدىكتەردى ساتۋعا شاعىمدانعان حابارلار كەلىپ تۇسكەن. وتىنىشتەردە Wipon باعدارلاماسى ارقىلى اكتسيزدىك ماركانى تەكسەرگەن كەزدە ول مەملەكەتتىك كىرىستەر كوميتەتىنىڭ دەرەكتەر بازاسىندا جوق ەكەندىگى, الايدا اكتسيزدىك ماركالاردىڭ سەرياسى مەن ءنومىرىن قولمەن ەنگىزگەن كەزدە ونىمدەر مالىمەتتەر بازاسىندا كورسەتىلەتىنى حابارلانعان (اكتسيزدىك ماركانى بەرۋ ءتارتىبى تۋرالى مەملەكەتتىك كىرىستەر دەپارتامەنتىنە سۇراق جىبەرىلدى). وسىعان بايلانىستى وندىرۋشىلەر اكتسيزدىك ماركالاردى كوبەيتەدى دەپ بولجاۋعا ابدەن بولادى, سوندىقتان ولار ءوندىرىستىڭ ناقتى كولەمىن جاسىرادى. اكتسيا بارىسىندا الكوگولدى ىشىمدىكتەردى ساتاتىن دۇكەندەر بىرقاتار بۇزۋشىلىقتاردى انىقتالعان.
«قازاقستاننىڭ تۇتىنۋشىلار ليگاسى» قاۋىمداستىعى» زتب قازاقستان رەسپۋبليكاسىنىڭ اۋماعىندا ۇسىنىلاتىن ونىمدەردىڭ, جۇمىستاردىڭ جانە قىزمەتتەردىڭ ساپاسىنا قوعامدىق باقىلاۋ جۇرگىزەتىن كوممەرتسيالىق ەمەس, ۇكىمەتتىك ەمەس ۇيىم. 28 جىلدان بەرى قتلق ەلدەگى تۇتىنۋشىلاردىڭ قۇقىعىن قورعاپ كەلەدى. ولاردىڭ قاتارىندا 60 111 ادام, ونىڭ ىشىندە 28 مىڭ ەرىكتى بار. 28 جىلدا قازاقستان تۇتىنۋشىلار ليگاسى تۇتىنۋشىلارعا 1 860 906 888 تەڭگە كولەمىندە ماتەريالدىق جانە مورالدىق زياندى وتەۋگە كومەكتەستى. قتلق تۇتىنۋشىلار مەن كاسىپكەرلەر اراسىنداعى قايشىلىقتاردىڭ الدىن الۋعا جانە قاۋىپسىزدىكتى ارتتىرۋعا, قازاقستان حالقىنىڭ ءومىر ءسۇرۋ ساپاسىن جاقسارتۋعا كومەكتەسەدى.
الماتى
