پارلامەنت • 09 قاڭتار، 2020

ءماجىلىس دەپۋتاتتارى اقمولا وبلىسىنىڭ تۇرعىندارىمەن كەزدەستى

37 رەتكورسەتىلدى

پارلامەنت ءماجىلىسىنىڭ دەپۋتاتى ۆلاديسلاۆ كوسارەۆ جۇمىس ساپارىمەن زەرەندى اۋدانىنىڭ قىزىلسايا اۋىلىندا بولىپ، تۇرعىنداردىڭ ساۋالىنا قۇلاق ءتۇردى. سونداي-اق ءماجىلىسى دەپۋتاتتارى تۇرعىن سىزدىقوۆ پەن ۆلاديسلاۆ كوسارەۆ اتباسار اۋدانىنا جۇمىس ساپارىمەن بارىپ، تۇرعىندارمەن كەزدەستى.

ساپار بارىسىندا ءماجىلىس دەپۋتاتى «مولداشەۆ» شارۋا قوجالىعىنىڭ جۇمىسىمەن تانىستى. بۇگىنگى تاڭدا شارۋاشىلىق قازاقتىڭ اقباس سيىرى جانە ەدىلباي قويىن وسىرۋمەن اينالىسادى. اۋىل تۇرعىندارىمەن وتكەن كەزدەسۋدە اگرارلىق سەكتوردى دامىتۋ، جەكە مال شارۋشىلىعىمەن اينالىسۋ ماسەلەسى كوتەرىلدى. تۇرعىندار تاراپىنان بىرقاتار تۇيتكىلدى ماسەلەلەر ايتىلدى. ونىڭ ىشىندە اۋىل تۇرعىندارى ۇيالى بايلانىستىڭ جوقتىعى، قىزىلسايا جانە دوڭگىلاعاش اۋىلدارى اراسىنداعى جولدىڭ توزعاندىعى دەپۋتاتتىڭ نازارىنا الىندى. سونىمەن قاتار، ۆلاديسلاۆ كوسارەۆ وڭىردەگى ىرگەلى كاسىپورىن سانالاتىن «Altuntau Kokshetau» اكتسيونەرلىك قوعامىندا بولىپ، ۇجىممەن كەزدەستى.

ودان بۇرىن حالىق قالاۋلىلارى زەرەندى اۋدانىنا ات باسىن بۇرىپ، بىرقاتار الەۋمەتتىك نىساندى ارالاپ كوردى. ال اتباسار اۋدانىندا دەپۋتاتتاردىڭ جۇمىس ساپارى وسىنداعى اگرارلىق-يندۋستريالدىق كوللەدجدى ارالاۋدان باستالدى. كوللەدج وقىتۋشىلارى مەن وقۋشىلارى مەيماندارعا تولعاندىرعان ساۋالدارىن قويىپ، جاۋاپتار الدى.

اتباسار قالاسىنداعى №3 ورتا مەكتەبىنىڭ ۇجىمىمەن كەزدەسۋىندە دەپۋتاتتار قازاقستان رەسپۋبليكاسىنىڭ «پەداگوگ مارتەبەسى تۋرالى» جاڭا زاڭىنا قاتىستى كوپتەگەن سۇراققا جاۋاپ بەرىپ، ۇستازداردىڭ ساپالى ءبىلىم بەرۋ ماسەلەسى جايلى پىكىرلەرىن ءبىلدى. كەزدەسۋدە ۇستازداردىڭ جالاقىسىن ارتتىرۋ، جاستاردىڭ شەت ەلدەرگە كوپتەپ اعىلۋى ماسەلەسى كەڭىنەن ءسوز بولدى.

ال اۋدانارالىق كوپبەيىندى اۋرۋحاناسىنىڭ قىزمەتكەرلەرى دەپۋتاتتارعا «پەداگوگ مارتەبەسى تۋرالى» زاڭى سەكىلدى «دارىگەر مارتەبەسى تۋرالى» زاڭ قابىلدانا ما دەگەن ساۋالدارىن قويدى. بۇل كۇنى ءماجىلىس دەپۋتاتتارى اتالعان اۋدانداعى باستاۋ سەلولىق وكرۋگىنە ات باسىن بۇرىپ، وسىندا جاڭادان اشىلعان دارىگەرلىك امبۋلاتوريانىڭ جۇمىسىمەن تانىسىپ، تۇرعىنداردىڭ ءوتىنىش-تىلەكتەرىنە قۇلاق استى.

 

زەرەندى اۋدانى،

اقمولا وبلىسى

سوڭعى جاڭالىقتار

ۇقساس جاڭالىقتار