پرەزيدەنت • 09 قاڭتار، 2020

پوپۋليزم تەرىس تەندەنتسيا رەتىندە دۇنيەجۇزىلىك سيپات الدى - مەملەكەت باسشىسى

54 رەتكورسەتىلدى

قاسىم-جومارت توقاەۆ «Egemen Qazaqstan» گازەتىنىڭ بۇگىنگى سانىندا جاريالانعان «اباي جانە ءححى عاسىرداعى قازاقستان» اتتى ماقالاسىندا اباي شىعارمالارىندا مەريتوكراتيا ماسەلەسىنە ايرىقشا ءمان بەرىلگەنىن جازدى.

«ول ادامدى مارتەبەسىنە قاراي ەمەس، تالابى مەن ەڭبەگىنە قاراپ باعالاعان. ۇلى اقىن قازاق جاستارىنا ءجون-جوبا كورسەتىپ، باعىت-باعدار بەرگەن. قازىر قازاقستاندا ساياسي جاڭعىرۋ ۇدەرىسى ءجۇرىپ جاتىر. ەلباسىنىڭ قولداۋىمەن بيلىككە باسشىلاردىڭ جاڭا بۋىنى كەلە باستادى. سوعان قاراماستان، ەلىمىزدە تۇبەگەيلى ساياسي وزگەرىس كەرەك دەگەن ويلار دا ءجيى ايتىلىپ جاتادى. بىراق بۇل ماسەلە بويىنشا ۇلتتىق مامىلەگە كەلۋدىڭ، مەملەكەت مۇمكىندىكتەرىن شىنايى باعالاۋدىڭ جانە جۇكتەلگەن مىندەتكە جاۋاپكەرشىلىكپەن قاراۋدىڭ ماڭىزى زور» دەلىنگەن پرەزيدەنت ماقالاسىندا.

بۇدان سوڭ، مەملەكەت باسشىسى وزگەرىس دەپ بايبالام سالاتىندار ەلىمىزدىڭ بولاشاعىن بايىپتامايتىنىن، جاي عانا پوپۋليستىك يدەيالارعا تابان تىرەيتىنىن جازادى.

«پوپۋليزم تەرىس تەندەنتسيا رەتىندە دۇنيەجۇزىلىك سيپات الدى. الەمنىڭ تۇكپىر-تۇكپىرىندە ناقتى ستراتەگياسى جوق، تەك جالاڭ ۇراندار ارقىلى بيلىككە جەتكىسى كەلەتىن توپتاردىڭ داۋىسى ءجيى ەستىلۋدە. وسىنداي داڭعازاعا قۇمار ادامدار تۋرالى اباي: «قۋ تىلمەنەن قۇتىرتىپ، كەتەر ءبىر كۇن وتىرتىپ»، – دەيدى. راسىندا، بۇل – كەز كەلگەن ەلدىڭ دامۋىن كەنجە قالدىراتىن، ۇلتتىڭ بىرەگەيلىگىن السىرەتەتىن قاۋىپتى ءۇردىس» دەپ جازدى ق.توقاەۆ.

پرەزيدەنتتىڭ ايتۋىنشا، بىزگە، اباي ايتقانداي، ارتىق ماقتانعا سالىنۋ، وزگەنى قور، ءوزىمىزدى زور ساناۋ، داۋ قۋ استە جاراسپايدى. ءار قادامىمىزدى انىق باسىپ، الەمدە جانە ەلىمىزدە بولىپ جاتقان وقيعالاردى بايىپپەن ساراپتاي ءبىلۋىمىز قاجەت.

«تۇراقتىلىق پەن دامۋىمىزدىڭ كەپىلى بولعان تاتۋلىق پەن بىرلىكتى بارىنەن جوعارى قويعان ابزال. مەملەكەت مۇددەسىن كوزدەسەك، اۋەلى ساباقتاستىق ساقتالىپ، توگىلگەن تەر مەن اتقارعان ەڭبەكتىڭ دالاعا كەتپەۋىن ويلايىق. وسىنداي ساياسات جۇرگىزگەن كەزدە عانا بارلىق ستراتەگيالىق ماقساتتارىمىزعا قول جەتكىزىپ، قازاقستاندى وزىق دامىعان مەملەكەتتەردىڭ قاتارىنا قوسا الامىز» دەلىنگەن ماقالادا.

سوڭعى جاڭالىقتار

ۇقساس جاڭالىقتار