قىمباتتى قازاقستاندىقتار!
ەلىمىزدىڭ پراۆوسلاۆ حريستياندارىن روجدەستۆو مەرەكەسىمەن قۇتتىقتايمىن!
تاريحى كونە عاسىرلاردان باستاۋ الاتىن بۇل مەيرام ازاماتتاردى ادامگەرشىلىك, مەيىرىمدىلىك جانە باۋىرمالدىق سياقتى ماڭگىلىك قۇندىلىقتاردىڭ قادىر-قاسيەتىن تەرەڭ ۇعىنۋعا شاقىرادى.
كونفەسسياارالىق كەلىسىم – مەملەكەتىمىزدىڭ تابىستى دامۋىنىڭ ماڭىزدى فاكتورلارىنىڭ ءبىرى. ءبىز ەلىمىزدى مىزعىماس بەرەكە-بىرلىكتىڭ رۋحىنا سايكەس وركەندەتىپ, بولاشاققا نىق قادام باسىپ كەلەمىز.
قازاقستان قوعامىنىڭ اجىراماس بولىگى سانالاتىن پراۆوسلاۆ حريستياندارى تاۋەلسىزدىگىمىزدى نىعايتۋعا مول ۇلەس قوسۋدا. ءبىز حالقىمىزدىڭ ءال-اۋقاتىن ارتتىرۋ ءۇشىن بىرگە قاجىرلى ەڭبەك ەتە بەرەمىز.
بارلىق پراۆوسلاۆ حريستياندارىنا اماندىق جانە باق-بەرەكە تىلەيمىن!
ەلىمىزدە ءاردايىم بەيبىتشىلىك پەن بىرلىك بولسىن!
