سەناتورلار 2019 جىلى جەلەزينكا اۋىلىندا سالىنىپ, پايدالانۋعا بەرىلگەن سپورت كەشەنىنىڭ جۇمىسىمەن تانىستى. سپورت كەشەنىندە ءۇش قاباتتى اكىمشىلىك عيمارات, سپورت زالى مەن جاساندى كوگالى بار ستاندارتتى فۋتبول الاڭى, شاعىن فۋتبول مەن ۆولەيبولعا ارنالعان الاڭدار, بالالار الاڭى, جاساندى جابىنى بار جەڭىل اتلەتيكا جولى, ەستاكادالارى مەن كورەرمەندەرگە ارنالعان ورىندارى, شاڭعى-روللەرلىك تراسسا بار.
دەپۋتاتتار 2019 جىلى پايدالانۋعا بەرىلگەن بالالارعا ارنالعان ونەر مەكتەبىندە دە بولدى. مەكتەپتە ۆوكال, حورەوگرافيا, دومبىرا سىنىبى سياقتى ءتۇرلى باعىتتا 700-دەن استام وقۋشى ءبىلىم الادى. مۇندا بارلىق باعىتتار بويىنشا ساباقتارعا ارنالعان جەكە كابينەتتەر مەن سىنىپتار, سونداي-اق اكت زالى بار. عيماراتتا «ايبات» جاستار باستامالارىنىڭ ورتالىعى جانە جەلەزين اۋدانىنىڭ ارداگەرلەر كەڭەسى ورنالاسقان. جاڭا نىساندار ساپالى سالىنعان, اۋىل بالالارى مەن ۇلكەندەرگە ارنالعان مادەني-سپورتتىق وبەكتىلەر تەگىن قىزمەت كورسەتەتىن بولادى.
سەناتورلار جەلەزين اۋدانىنىڭ اكىمدىگىندە اۋداندىق ءماسليحات دەپۋتاتتارىمەن, اتقارۋشى ورگاندار مەن الەۋەتتى قۇرىلىمدارىنىڭ باسشىلارىمەن كەزدەستى. سەنات دەپۋتاتتارى مەملەكەتتىك باعدارلامالار, اۋىلدىق ەلدى مەكەندەردى دامىتۋ, بيۋدجەتتىڭ ءتورتىنشى دەڭگەيىنە كوشۋ جانە الداعى ءۇش جىلعا ارنالعان رەسپۋبليكالىق بيۋدجەت تۋرالى ايتىپ بەردى.
م.كوبەنوۆ اگروونەركاسىپ كەشەنى سالاسىنا قاتىستى جەر ۋچاسكەلەرىن ۇتىمدى پايدالانۋدى باقىلاۋ تەتىكتەرىن جەتىلدىرۋگە ارنالىپ قابىلدانعان جاڭا قۇقىقتىق ەرەجەلەر تۋرالى, سونداي-اق وسىمدىكتەردى قورعاۋ جانە كارانتين, ۆەتەرينارلىق قاۋىپسىزدىك پەن سۋمەن قامتاماسىز ەتۋدى, وسىمدىكتەر مەن جانۋارلار دۇنيەسىن ساقتاۋ جانە دامىتۋ جونىندەگى شارالاردى كۇشەيتۋ تۋرالى حاباردار ەتتى.
ن.نۇرسيپاتوۆ ءوز سوزىندە قىلمىستىق پروتسەستە ازاماتتاردى قورعاۋ دەڭگەيىن ارتتىرۋعا باعىتتالعان اكىمشىلىك, قىلمىستىق زاڭنامانى جەتىلدىرۋ جونىندەگى, ۇرلىق, زورلاۋ, ەسىرتكى تاراتۋ جانە براكونەرلىك ءۇشىن جاۋاپكەرشىلىكتى كۇشەيتۋ, قۇقىقتىق كومەك كورسەتۋ, سوتتالعان ادامداردى بەرۋ جانە بەرۋ ماسەلەلەرى بويىنشا, سونداي-اق اسكەري ىنتىماقتاستىق, اقپاراتتىق تەحنولوگيالار سالاسىنداعى قىلمىستارعا قارسى كۇرەس جانە ەاەو اياسىنداعى وزگە دە ماسەلەلەر بويىنشا قازاقستان قابىلداعان حالىقارالىق شارتتار مەن كەلىسىمدەردى راتيفيكاتسيالاۋ تۋرالى قابىلدانعان زاڭدارعا جان-جاقتى توقتالدى.
دەپۋتاتتار ورلىتوبە وتكىزۋ بەكەتىندە بولدى. وندا وتكىزۋ پۋنكتىنىڭ جۇمىسى تانىستىرىلدى, پاسپورتتىق باقىلاۋدان وتۋگە ارنالعان كابينالار مەن جۇك اعىندارىنىڭ كەستەسى كورسەتىلدى.
رەسەي فەدەراتسياسىمەن شەكاراداعى (پاۆلودار وبلىسى, جەلەزين اۋدانى, جەلەزينكا اۋىلى) «ورلىتوبە» شەكارالىق باقىلاۋ-وتكىزۋ بەكەتى ءتيىستى قىزمەتتەردى ورنالاستىرۋ ءۇشىن قازىرگى زامانعى ينفراقۇرىلىمعا يە. دەگەنمەن, قازىرگى ۋاقىتتا بۇل عيماراتتا تەك شەكارالىق جانە كەدەندىك قىزمەتتەر عانا ورنالاسقان, ال اۋىل شارۋاشىلىعى مينيسترلىگىنىڭ فيتوسانيتاريا جانە ۆەتەريناريا قىزمەتىنىڭ وكىلدەرى شەكارالىق-باقىلاۋ وتكىزۋ پۋنكتىنەن 20 مەتر قاشىقتىقتا جەكە ءۇي-جايلاردا ورنالاسقان. بۇل جاعداي جۇكتەردىڭ ءوتۋ جىلدامدىعىنا, ولاردى وتكىزۋدەگى تەكسەرۋ ساپاسىنا اسەر ەتەدى.
دەپۋتاتتار سونىمەن قاتار ق.السەيىتوۆ اتىنداعى اۋداندىق مادەنيەت ءۇيىنىڭ جۇمىسىمەن دە تانىستى. بۇل نىسان 2019 جىلى جوندەۋدەن وتكەن بولاتىن, وندا شاتىرعا كۇردەلى جوندەۋ جۇرگىزىلدى, كورەرمەندەر جانە كىشى زالدار, كابينەتتەر, حولل جوندەلدى, تەرەزە جانە ەسىك قۇرامالارى اۋىستىرىلدى, كەسپەتاستار سالىندى. مۇمكىندىگى شەكتەۋلى جاندارعا جاعداي جاسالدى.
سەناتورلار كەزدەسۋ بارىسىندا بىرقاتار ماسەلەلەردى تالقىلادى. پاۆلودار وبلىسى جەلەزين اۋدانىنىڭ بارلىق اۋىلدارىندا ۇيالى بايلانىس جۇمىسىن جاقسارتۋ; حالىق سانى بەلگىلەنگەن ەرەجەگە سايكەس كەلمەيتىن ەلدى مەكەندەردە «قازپوچتا» جۇمىسىن ۇيىمداستىرۋ قاجەتتىگى تۋرالى; جيناقتاۋشى زەينەتاقى قورى مەن الەۋمەتتىك مەديتسينالىق ساقتاندىرۋ قورىنا شاعىن بيزنەستىڭ اۋىلدىق سۋبەكتىلەرىنىڭ جارنالارىن اۋدارۋ ماسەلەلەرى كوتەرىلدى. قازىرگى ۋاقىتتا اۋىلدىق جەرلەردە شاعىن جانە ورتا بيزنەس جالدامالى قىزمەتكەرلەر ءۇشىن جيناقتاۋشى زەينەتاقى قورىنا جارنالار, الەۋمەتتىك اۋدارىمدار مەن مىندەتتى الەۋمەتتىك مەديتسينالىق ساقتاندىرۋعا ايىنا ەڭ تومەنگى سوماسى 8713 تەڭگە تولەيدى, ول جۇمىس بەرۋشىلەر ءۇشىن (جك جانە ءاشتو) سالماقتى اۋىرتپالىق بولىپ تابىلادى. بۇل ولاردى الەۋمەتتىك تولەمدەر بويىنشا جۇكتەمەنى تومەندەتۋ ماقساتىندا جالدامالى قىزمەتكەرلەردى جاسىرۋعا ءماجبۇر ەتەدى. سونداي-اق پاۆلودار وبلىسىنىڭ جەلەزين اۋدانىن گازداندىرۋ; پاۆلودار وبلىسى جەلەزين اۋدانىنىڭ تۇرعىندارىنا اۋداندىق (قولايسىز كليماتتىق ايماقتار بويىنشا) كوەففيتسيەنتتى ەنگىزۋ ماسەلەلەرى دە تالقىلاندى.
ايتىلعان ماسەلەلەر باقىلاۋعا الىندى جانە ءتيىستى زاڭ جوبالارىن قاراۋ بارىسىندا ەسكەرىلەتىن بولادى.
