شاعىن اۋداندا پايدالانۋعا بەرىلگەن جەكە تۇرعىن ۇيلەردىڭ كىلتتەرىن 16 كوپ بالالى وتباسى يەلەرىنە وبلىس اكىمى بولات باقاۋوۆ تابىس ەتتى. ءوڭىر باسشىسى قىسقا مەرزىمدە ۇيلەردى سالىپ بەرگەن قۇرىلىسشىلاردىڭ ەڭبەگىن اتاپ ءوتتى. ۇيلەردىڭ بارلىعى ءبىر كوشەدە ورنالاسقان.
وسى كۇنگە دەيىن 4 بالاسىمەن قالادا پاتەر جالداپ تۇرعان ماريا جارينوۆا كىلت العان ساتتە, قۋانىشتان جىلاپ جىبەردى.
– جاڭا ءۇيىمىز قانداي كەڭ, جىلى, – دەيدى ماريا تولقىنىسىن جاسىرا الماي.
ء«ار بالا ءوز نەسىبەسىن الا كەلەدى» دەيدى حالقىمىز. كوپ بالالى, جالعىزباستى انا گاۋحار كوكسىنوۆا دا بۇعان دەيىن پاتەر جالداپ تۇرعان. ەندى, مىنە, جارقىراعان 3 بولمەلى ءۇيدىڭ كىلتىن الدى. جاقىندا عانا كەنجە ۇلى قىرقىنان شىعىپتى.
– ۇكىمەتكە راحمەت! بالالارىما مەكتەپتە تەگىن تاماق, كيىم-كەشەك, وقۋ قۇرالدارى بەرىلەدى. بالاباقشاعا دا تەگىن بارادى. 2020 جىلدان باستاپ 5 بالام ءۇشىن قوسىمشا اقى تولەنەدى. ءوزىم دە بوس وتىرعان جوقپىن. كاسىبىم – تىگىن ءىسى. قورجىن, تويباستار تىگىپ ساتامىن, – دەيدى گاۋحار.
قالا اكىمدىگىنىڭ مالىمەتىنشە, شاعىن اۋداننىڭ قۇرىلىسى 2016-2017 جىلدارى ينجەنەرلىك-كوممۋنيكاتسيالىق ينفراقۇرىلىم جۇرگىزىلگەن كەزدە باستالعان.
بىراق, جەر العانداردىڭ ءبارى بىردەي قۇرىلىس جۇرگىزبەدى. سوندىقتان بۇل ۋچاسكەلەر ارەندالىق ۇيلەر سالۋ ءۇشىن مەملەكەت مەنشىگىنە قايتارىلدى. قازىر جەكە تۇرعىن ءۇي اۋدانىندا 28 ەكى پاتەرلى ءۇيدىڭ قۇرىلىسى جۇرگىزىلۋدە. جەكە ۇيلەردى جالداۋ اقىسى ايىنا – 5-10 مىڭ تەڭگە.
ءسويتىپ, كوشەلەر سانى دا كوبەيدى. كوشەلەردى اباتتاندىرۋ, كوگالداندىرۋ جۇمىستارى باستالماق. ءار وتباسىنا ءوز ۇيلەرىنىڭ قاسىنان اعاشتار وتىرعىزۋعا, باۋ-باقشا ەگۋگە مۇمكىندىك بار. قازىر جارىق باعانالارى ورناتىلۋدا. جوباعا سايكەس, 2025 جىلعا دەيىن شاعىن اۋداندا بالاباقشالار, مەكتەپتەر, ەمحانالار مەن ساۋدا ۇيلەرىن سالۋ قاراستىرىلعان.
سونداي-اق قالانىڭ اۋىلدىق اۋماعىنا قارايتىن قالقامان كەنتىندەگى 30 جىل بويى قاڭىراپ بوس قالعان ۇيلەر دە پايدالانۋعا بەرىلدى. بۇل ۇيدەن 32 وتباسى پاتەر الدى.
– جاقسى پاتەر, جىلى ۇيگە قول جەتكىزدىك. مەملەكەتىمىزگە راحمەت!, – دەيدى كوپ بالالى انا اقمونشاق ءادىل.
قالا اكىمدىگىنىڭ مالىمەتىنشە, جارتىلاي بۇزىلعان ۇيلەردى قالپىنا كەلتىرۋگە بيۋدجەتتەن 162 ميلليون تەڭگە بولىنگەن. بيىل تاعى ەكى ۇيگە جوندەۋ جۇرگىزىلەدى. پاتەرلەر ءبىرىنشى كەزەكتە الەۋمەتتىك تۇرمىسى تومەن, كوپ بالالى وتباسىلارعا بەرىلەدى.
پاۆلودار وبلىسى,
اقسۋ قالاسى
