ويىندى قازاقستاندىقتار ءساتتى باستادى. ماتچتىڭ 5-مينۋتىندا ستانيسلاۆ الەكساندروۆ مەرگەندىگىمەن كوزگە تۇسكەن. ايتسە دە, ءبىرىنشى كەزەڭدە ەسەپ وزگەرگەن جوق. ەكىنشى تايمدا ولەگ بويكو ەسەپتى 2:0-گە جەتكىزدى.
ءۇشىنشى كەزەڭدە جاستار قۇراماسى گەرمانيا قاقپاسىنا تاعى ەكى شايبا سوقتى. س.الەكساندروۆ 42-مينۋتتا دۋبل جاساسا, 57-مينۋتتا دەنيس چاپوروۆ قارسىلاس قاقپاشىسىنان ايلاسىن اسىردى. الايدا, ويىن سوڭىندا لۋيس شينكو تابلوداعى ەسەپتى قىسقارتا الدى. وسىلايشا, جاستار قۇراماسى العاشقى جەڭىسىن تويلادى.
ايتا كەتۋ كەرەك, بۇل – قازاقستان مەن گەرمانيا جاستار قۇرامالارىنىڭ جۇبانىش كەزدەسۋى اياسىندا وتكىزىپ وتىرعان ەكىنشى ماتچ. ءبىرىنشى ويىندا نەمىستەر 4:0 ەسەبىمەن جەڭىسكە جەتكەن بولاتىن. ەرەجەگە سايكەس, جەڭىلگەن كوماندا جاستاردىڭ ەليتالىق ديۆيزيونىمەن قوشتاسادى. ال ەكى رەت جەڭىسكە جەتكەن كوماندا ءوز ورنىن ساقتاپ قالادى.
