تەننيس • 06 قاڭتار، 2020

جىلدىڭ العاشقى جەڭىسى

28 رەتكورسەتىلدى

قازاقستاندىق تەننيسشى زارينا دياس گونكونگتە وتكەن تەننيستەن ITF سەرياسىنا ەنەتىن ءتۋرنيردىڭ فينالىندا توپ جاردى. ول فينالدا ءتۋرنيردىڭ ءبىرىنشى راكەتكاسى سانالاتىن قىتايلىق چجۋ لينننەن باسىم ءتۇستى.

جالپى جۇلدە قورى 25 مىڭ اقش دوللارىن قۇرايتىن ءتۋرنيردىڭ فينالىندا وتانداسىمىز WTA رەيتينگىندە 72-ورىندا تۇرعان قىتايلىق تەننيسشىنى ەكى سەتتە 6:4، 7:5 ەسەبىمەن قاپى قالدىر­دى. جەكە كەزدەسۋ بويىنشا زارينا دياس 3:1 ەسەبىمەن العا شىقتى.

مالىمەت ءۇشىن ايتا كەتەيىك، دياس كارەراسىندا وسىمەن ونىنشى جارىسىندا باس جۇلدەنى جەڭىپ الدى. ITF سەرياسىندا 9 رەت جەڭىسكە جەتسە، ءبىر رەت WTA International جارىسىندا (توكيو، 2017 جىل) قارسىلاس شاق كەلتىرمەگەن.

قانداسىمىز بۇگىن قىتايدا وتەتىن «Shenzhen Open» اشىق چەمپيوناتىنا قاتىسادى. دياستىڭ تۋرنيردەگى العاشقى قارسىلاسى قىتايلىق تەننيسشى ينين دۋان بولماق.

سوڭعى جاڭالىقتار

قىرشىن كەتكەن ساڭلاق

سپورت • بۇگىن، 17:35

ۇقساس جاڭالىقتار