بىرلەسكەن قىزمەت مەملەكەتتىك جانە بانك سەكتورلارىنىڭ, ءىرى كاسىپورىنداردىڭ تسيفرلىق ترانسفورماتسياسىنا ىقپال ەتىپ, ەلىمىزدە IT-تالانتتاردى دامىتۋعا قولداۋ كورسەتىپ, حالىقتىڭ تسيفرلى قاۋىپسىزدىگىن ارتتىراتىن بولادى. سونىمەن قاتار بۇل ىنتىماقتاستىق تسيفرلى بيزنەس-ستراتەگيالارعا كوشۋ ارقىلى كاسىپكەرلەرگە ءوز كومپانيالارىن باسقارۋدىڭ وڭتايلى مودەلىن قۇرۋعا, دەرەكتەر قورى, «بۇلتتى» شەشىمدەر, IoT, Big Data, Blockchain باسقارۋ جۇيەسىن ەنگىزۋ سالاسىندا جاڭا قوسىمشالار مەن ازىرلەمەلەردى قولدانۋعا, سونداي-اق بارلىق بيزنەس-ۇدەرىستەردى جاقسارتۋ ءۇشىن ءىت-ينفراقۇرىلىمعا شىعىنداردى ازايتۋعا مۇمكىندىك بەرەدى.
«قازاقتەلەكوم» اق باسقارما توراعاسى قۋانىشبەك ەسەكەەۆتىڭ ايتۋىنشا, ۇلتتىق بايلانىس وپەراتورى قازاقستانداعى تسيفرلى قىزمەتتەردىڭ ءىرى پروۆايدەرى رەتىندە دەرەكتەردى ساقتاۋ جانە وڭدەۋ, LoRa, «اقىلدى ءۇي», بلوكچەين, ە-commerce جانە سول سەكىلدى جاڭا بيزنەستەردى قۇرۋ, ۇدەرىستەردى وڭتايلاندىرۋ ءۇشىن دەرەكتەردى ورتالىقتاندىرۋمەن جۇمىس جاسايدى.
– «قازاقتەلەكوم» Big Data باعىتىندا بارلىق مۇمكىندىكتەرگە يە. اتاپ ايتقاندا, باقىلاۋ-كاسسا ماشينالارىنان تىركەلگەن دەرەكتەردى بەرۋ, تىركەلگەن جانە ءموبيلدى ابونەنتتەر بويىنشا كليەنتتىك بازانى سەگمەنتتەۋ, سونداي-اق كليەنتتەردىڭ قوزعالىسى تۋرالى اقپارات تا قامتىلعان. ءار تۇتىنۋشىعا مەيلىنشە رەلەۆانتتى ۇسىنىستار جاساۋ ءۇشىن دەرەكتەرگە تالداۋ جاساپ, ابونەنتتەردىڭ بەيىنىن انىقتاپ الامىز, – دەدى ق.ەسەكەەۆ.
ۇلتتىق كومپانيا Big Data-نى ىشكى جانە سىرتقى دەرەكتەر ساراپتاماسىن باسقارۋ, SMS حابارلامانى تارگەتتەۋ, جەلىلىك ينفراقۇرىلىمدى وڭتايلاندىرۋ, تاسىمالداۋدى جوسپارلاۋ, تۇرعىنداردىڭ كوشى-قونىن تالداۋ, ءتۋريزمدى دامىتۋ جانە تاعى باسقا باعىتتار دا ءۇشىن پايدالانباق. سونداي-اق «ۇلكەن دەرەكتەردىڭ» كومەگىمەن «بۇلتتى بەينەباقىلاۋ» قىزمەتىن ىسكە قوسۋ كوزدەلگەن. تىڭ قىزمەت كونفەرەنتسيا بارىسىندا ينتەراكتيۆتى ترانسلياتسيادا كورسەتىلدى.
رەسەيلىك «يكس حولدينگ» كوپبەيىندى IT-قۇرىلىمى ۇلكەن دەرەكتەر باعىتىندا وتاندىق نارىقتا قازاقستاندىق كومپانيالارمەن «يكس حولدينگ قازاقستان» بىرلەسكەن كاسىپورنى قۇرىلاتىنىن جاريالادى جانە جەرگىلىكتى نارىقتا «يكس حولدينگ» ەكوجۇيەسىنىڭ بارلىق كومپانيالارىنىڭ شەشىمدەرى مەن ونىمدەرىن ۇسىنۋدى جوسپارلاۋدا.
– جەكەلەگەن كومپانيالارىمىز كوپ ۋاقىتتان بەرى افريكا, تاياۋ شىعىس جانە ورتالىق ازيا ەلدەرىندە تابىستى جۇمىس ىستەپ كەلەدى. الايدا قازىر ءبىز اكتيۆتەرىمىزدى شوعىرلاندىرىپ, ولاردىڭ اراسىندا ءونىمدى بىرلەسىپ قالىپتاستىرۋعا ىقپال ەتەمىز. قازاقستاندىق ارىپتەستەرمەن تىعىز بايلانىستا جۇمىس جاساپ, كومپانيالارعا جوعارى تەحنولوگيالى ونىمدەر مەن شەشىمدەردى قۋانا ۇسىنىپ, ساراپتامالارمەن جانە جيناقتالعان تاجىريبەمىزبەن الماسامىز. بۇل ىنتىماقتاستىق ۇزاقمەرزىمدى تابىستى قارىم-قاتىناستارعا نەگىز بولادى, – دەدى «يكس حولدينگ» ۆيتسە-پرەزيدەنتى ە.انتونيان.
ءىس-شارا بارىسىندا زاماناۋي كوممۋنيكاتسيالىق تەحنولوگيالار, قازاقستانداعى IT-نارىقتىڭ احۋالى, اقىلدى قالالاردى دامىتۋداعى ۇلكەن دەرەكتەر ساراپتاماسىنىڭ ءرولى سىندى ماڭىزدى ماسەلەلەر تالقىلاندى.
