قىزۋ-ءتۇتىن كامەراسى ءورت ءسوندىرۋ ماماندارىن ازىرلەۋدە اسا قاجەتتى قۇرىلعى. ول شىنايى ءورت جاعدايىنا بارىنشا جاقىنداتىلعان ورتا قالىپتاستىرادى. ياعني, كۋرسانتتار تىنىس الۋ مۇمكىندىگى كۇردەلەنگەن, تەمپەراتۋراسى اسا جوعارى ورتادا شەبەرلىكتەرىن شىڭدايدى.
ستاتسيونارلى قىزۋ-ءتۇتىن كامەراسى بولاشاق قۇتقارۋشىلاردى ەسترەمالدى ورتادا ارەكەت ەتۋگە بەيىمدەيدى. قۇرىلعى كۋرسانتتاردى ءارالۋان كەدەرگىلەر ارقىلى سىنايدى. مۇندا لابيرينت جولىن الماستىرۋعا, كەڭىستىكتى تۇتىنمەن تولتىرۋعا, قۇرىلىس نىساندارىنىڭ قيراۋ جاعدايىن سومداۋعا مۇمكىندىك بار. كەشەن قۇنى 75 ميلليون تەڭگەدەن استام. قارجى توتەنشە جاعدايلار كوميتەتىنەن ءبولىنىپتى.
–بۇل قۇرىلعى ءبىزدىڭ كۋرسانتتاردىڭ كاسىبي دايىندىعىن ارتتىرادى دەگەن سەنىمدەمىن. تۇلەكتەرىمىز اۋداندار مەن قالالارعا ءورت ءسوندىرۋ تاجىريبەسى مول ماماندار رەتىندە اتتانادى. بۇل توتەنشە جاعداي قىزمەتى ءۇشىن اسا ماڭىزدى, دەيدى كوكشەتاۋ تەحنيكالىق ينستيتۋتىنىڭ باستىعى سىرىم ءشارىپحانوۆ
ينستيتۋت قابىرعاسىندا 572 كۋرسانت كاسىبي ءبىلىم يگەرۋدە, سىرتتاي وقۋ بولىمىندە 300-گە تارتا مامان دايارلاندى. بۇدان بولەك 4 اۋماقتىق وقۋ ورتالىقتارىندا 300 كۋرسانت توتەنشە جاعدايلارمەن كۇرەس تاسىلدەرىن مەڭگەرۋدە. اقمولا جانە سولتۇستىك قازاقستان وبلىستارىنىڭ توتەنشە جاعدايلارعا قارسى ءىس-قيمىل دەپارتامەنتى باسشىلارى جاڭا قۇرىلعىنىڭ ىسكە قوسىلۋىمەن قۇتتىقتاپ, قۇتقارۋشىلار قىزمەتىندەگى كاسىبي شەبەرلىكتىڭ ماڭىزىنا توقتالدى.
–بۇل قىزۋ-ءتۇتىن كامەراسى كۋرسانتتارعا شىنايى جاعدايلاردا وزدەرىنىڭ كاسىبي بىلىكتىلىگىن شىڭداۋعا مۇمكىندىك بەرەدى. كەشەن كوكشەتاۋ تەحنيكالىق ينستيتۋتىنىڭ وقۋ-تاجىريبەلىك قىزمەتىنە جاڭا سەرپىن بەرەدى. مۇنداي قۇرىلعى ارقىلى سىننان وتكەن كۋرسانتتار ءاردايىم جوعارى شەبەرلىك دەڭگەيىن تانىتادى دەپ بىلەمىن, وبلىستىق توتەنشە جاعدايلار جونىندەگى دەپارتامەنتىنىڭ باستىعى الەكسەي سوۆەتوۆ.
كەشەننىڭ اشىلۋى كوكشەتاۋ تەحنيكالىق ينستيتۋتى ءۇشىن ۇلكەن قۋانىش. الداعى ۋاقىتتا قىزۋ-ءتۇتىن كامەراسى ارقىلى كۋرسانتتار ادامدارعا اراشا ءتۇسۋدىڭ كاسىبي ەرەكشەلىكتەرىن مەڭگەرەتىن بولادى.
