اقمولالىق ديقاندار كوكتەمدە 4 ميلليون 300 مىڭ گەكتار ەگىستىك القابىنا ءداندى-داقىلدار تۇقىمىن ءسىڭىردى. اۋا رايىنىڭ قولايسىزدىعىنا قاراماستان اگروتەحنيكالىق شارالاردى ۇتىمدى پايدالانۋدىڭ ارقاسىندا 5 ميلليون توننادان استام التىن استىق قامباعا قۇيىلدى. گەكتار بەرەكەسى 11,7 تسەنتنەردەن اينالدى. 250 مىڭ گەكتارعا جۋىق القاپتان 170 مىڭ توننا مايلى داقىلدار جينالدى.
–بيىلعى جىلدىڭ نەگىزگى كورسەتكىشتەرى ءتاۋىر. قامباعا 5 ميلليون 1 مىڭ توننا استىق جينالدى. اۋىل شارۋاشىلىعى تاۋار وندىرۋشىلەرىمەن دە كەشەندى ءىس-شارالار اتقارىلدى. اسىرەسە اگروتەحنيكالىق شارالار: ءدان ءسىڭىرۋ, ىلعال جابۋ, تىڭايتۋ ماسەلەلەرى دەر كەزىندە نازارعا الىنىپ, بۇل باعىتتا جۇيەلى تۇردە جۇمىس جۇرگىزىلدى, دەيدى وبلىستىق اۋىل شارۋاشىلىعى باسقارماسى باسشىسىنىڭ ورىنباسارى قاسىم يتقۇسوۆ.
پرەزيدەنت جولداۋىندا ايتىلعان اۋىل شارۋاشىلىعى ءونىمىن ەكسپورتتاۋ ىسىندە دە اقمولا ءوڭىرى ايتارلىقتاي تابىستارعا جەتىپ وتىر. ايماقتاعى مال شارۋاشىلىعى دا بىرتىندەپ دامىپ كەلەدى. وبلىستاعى ءىرى قارا 439 مىڭ, جىلقى 190, شوشقا 104 مىڭنان اسىپ جىعىلادى. بيىلعى جىلى 80 مىڭ تونا استام ەت ءوندىرىلدى. باسىم بولىگى قۇس ەتى. وڭدەلگەن ءسۇت كولەمى 370 مىڭ تونناعا جۋىقتايدى. ەت ونىمدەرىن وڭدەيتىن 15 ءىرى كاسىپورىن بار. اعىمداعى جىلدىڭ 11 ايىندا جالپى سوماسى 84,4 ميللارد تەڭگەدەن استام ازىق-ت ۇلىك ونىمدەرى دايىندالدى.
–ايماقتاعى ءىرى قارا مالدىڭ ۇزىن سانى وتكەن جىلعى كورسەتكىشتەن 4 پروتسەنت جوعارى. ونىڭ 29 پروتسەنتى ەت باعىتىندا. 80 مىڭ توننا ەت وندىرىلگەن. باسىم بولىگى قۇس ەتى. بۇل بىلتىرعى كورسەتكىشتەن 37 پروتسەنتكە كوبەيدى. وڭدەلگەن ءسۇت 370 مىڭ توننا. بۇل ورايدا دا ءوسىم بار, دەيدى وبلىستىق اۋىل شارۋاشىلىعى باسقارماسىنىڭ ءبولىم باسشىسى قايرات كوشەنوۆ.
اگرارلى-يندۋستريالى ايماق سانالاتىن اقمولا وبلىسى مەملەكەت باسشىسى قويعان مىندەتتەمەلەردى جۇزەگە اسىرۋدا ۇتىمدى جوبالاردى جۇزەگە اسىرىپ, ءوڭىر ەكونوميكاسىن ارتتىرۋدا.
