ال سمايىل ماقىشەۆ New Hampshire شتاتىنداعى اتالعان مەكتەپتىڭ قازاقستاننان شىققان تۇڭعىش تۇلەگى. ەكىنىڭ بىرىنە بۇيىرمايتىن مۇنداي مەكتەپكە قازاق بالاسى قايدان تاپ بولدى دەسەك, سوڭعى جىلدارى سمايىل ءۇش ستارتاپ اشىپ, ونىڭ ءبىرى الەم وقۋشىلارى قاتىسقان ستارتاپتار كونكۋرسىندا ۇزدىك دەپ تانىلعان 20 ستارتاپتىڭ ساناتىنا ىلىككەن. سونداي-اق سمايىل اقش-تاعى كومپيۋتەرلىك عىلىم وليمپياداسىنا (USA Computing Olympiad) دا قاتىسادى. بۇل اقش-تاعى كومپيۋتەرلىك باعدارلامالار بويىنشا ەڭ بەدەلدى جارىس بولسا, سمايىل وسى وليمپيادانىڭ التىن ديۆيزياسىنا دەيىن جەتىپ (Gold Division), 2019 جىلى New Hampshire Science and Engineering Expo وليمپياداسىندا ساندار تەورياسى جوباسى بويىنشا ماتەماتيكادان 1 ورىندى يەلەنگەن.
مۇنان دا بولەك, قازاق بالاسى اتالعان مەكتەپتىڭ بەلسەندى كوشباسشىسىنىڭ ءبىرى. ستۋدەنتتىك كەڭەس, حالىقارالىق ستۋدەنتتەر اليانسى, جاس كاسىپكەرلەر كلۋبى, Exeter LaunchX Club سياقتى كوپتەگەن كلۋبقا جەتەكشىلىك ەتەدى.
– مەن كىشكەنتاي كەزىمنەن الدىما جوعارى ماقسات قويدىم. 10 جاسىمنان باستاپ اتا-انامنان جىراقتامىن. ءوز قىزىعۋشىلىعىما سايكەس مەكتەپتەر اۋىستىرا وتىرىپ, كومپيۋتەرلىك عىلىم مەن ماتەماتيكادان كۇردەلى, جەتىلدىرىلگەن كۋرستارى بار جانە بىرىككەن جوبالار مەن يدەيالاردى بىرگە جۇزەگە اسىرا الاتىن قاتارلاستارىم بار مەكتەپ تابۋعا شەشىم قابىلدادىم. وسىنداي مەكتەپتەردىڭ قاتارىندا جانە تىزىمدە ءبىرىنشى بولىپ, نەگىزى 1781 جىلى قالانعان Phillips Exeter Academy تۇردى. جەكەمەنشىك مەكتەپتىڭ ستۋدەنتتەر قالاشىعىنا 11 جاسىمدا كەلدىم. زەرتتەي كەلە, ىزدەپ جۇرگەنىم وسى مەكتەپ ەكەنىن ءتۇسىندىم. بۇل مەكتەپكە بارلىق مەملەكەتتەردەن حالىقارالىق وليمپيادالاردىڭ جەڭىمپازدارى, عىلىمي جوبالاردىڭ جۇلدەگەرلەرى, حالىقارالىق دەڭگەيدەگى سپورتشىلار مەن تالانتتى مۋزىكانتتار, قىسقاسى, ءوز مەكتەپتەرىنىڭ كوشباسشىلارى بولا العان وقۋشىلارى قابىلدانادى ەكەن. الداعى كۇندەرى Phillips Exeter Academy مەكتەبىن اياقتايتىن ماقىشوۆ قازىر حالىقارالىق ستۋدەنتتەر كەڭەسىن باسقارادى. سونداي-اق ول مەكتەپ قورىنان بۇكىل الەم بويىنشا شاعىن بيزنەستى قارجىلاندىرا الاتىن جاس كاسىپكەرلەر كلۋبىنا دا جەتەكشىلىك ەتىپ وتىر. بۇل كلۋب 14 ەلدەگى 28 شاعىن كاسىپكەرگە باستاپقى نەسيە بەرگەن. ءوز مەكتەبىنەن بولەك, وتكەن جىلى جازدا اقش-تىڭ سولتۇستىك-شىعىسىنداعى 35-تەن استام مەكتەپتىڭ كاسىپكەرلەر كلۋبىنىڭ ايماقتىق ديرەكتورى بولىپ تاعايىندالىپتى. ال LaunchX سlubs – مەكتەپ وقۋشىلارىنا ارنالعان كاسىپكەرلىك بويىنشا الەمدەگى ەڭ ءىرى باعدارلاما.
الماتى
