اقتاۋداعى وبلىستىق پسيحونەۆرولوگيالىق ينتەرنات ءۇيىنىڭ 12 قىزمەتكەرى «بالالاردى ۇرىپ-سوقتى» دەگەن دەرەكپەن جۇمىستان شىعارىلعان. وعان ەمدەۋ ورنىنداعى بەينە باقىلاۋعا تۇسىرىلگەن جازبالار دالەل بولا الادى. بۇل تۋرالى «قازاقستان» تەلەارناسى حابارلادى.
جوعارىدا اتالعان ينتەرنات ءۇيىنىڭ 10 جاسار تاربيەلەنۋشىسى يانا بوندارچۋكتىڭ دەنەسى كوكالا بولىپ قانتالاعاندا, ينتەرنات قىزمەتكەرلەرى يانانىڭ اناسىنا «بالاڭىز قان تامىرى اۋرۋىنا شالدىققان» دەپ قارسى داۋ ايتقان ەدى. ىلە عيماراتتاعى بەينە باقىلاۋ ونى تاربيەشىنىڭ ۇرعانىن ايعاقتاپ بەردى.
«پسيحونەۆرولوگيالىق ينتەرنات ۇيىندەگى 12 تاربيەشى جۇمىستان شىعارىلدى. سونىمەن بىرگە, وسى مەكەمەنىڭ باسشىسى جانە 5 تاربيەشى اكىمشىلىك جاۋاپكەرشىلىككە تارتىلدى», - دەيدى اقتاۋ قالاسىنىڭ پروكۋرورى تالعات الىباەۆ.
قۇقىق قورعاۋ قىزمەتكەرلەرى تەكسەرىس كەزىندە بۇل جەردەن جارامسىز ءدارى-دارمەكتەردى پايدالانعانىن انىقتادى. ال اسحانادان مەرزىمى ءوتىپ كەتكەن ءسۇت ونىمدەرى تابىلىپتى. ەڭ سوراقىسى, جارىمجان بالالار عيمارات ءىشىن تازالاعان.
دانيار تۇيمەباي.
