ۋكراينانىڭ اۋىر سالماقتا ونەر كورسەتەتىن اتاقتى كاسىپقوي بوكسشىسى ۆلاديمير كليچكو ءوزىنىڭ بريتاندىق ارىپتەسى دەرەك چيسورامەن توبەلەسىپ قالدى. بۇل تۋرالى انگليالىق سپورتشىسىنىڭ جاتتىقتىرۋشىسى دون ءچارلزدىڭ مالىمەتىنە سىلتەمە جاساعان «Lifenews.ru» حابارلادى.
وقيعا يسپانيانىڭ يبيتسا قالاسى ماڭىنداعى تۇنگى كلۋبتاردىڭ بىرىندە ورىن العان.
دون ءچارلزدىڭ ايتۋىنشا, ەكى بوكسشى وسى جەردە كەزدەيسوق كەزدەسىپ قالعان. باسىندا ەكەۋى ءجاي ءسوز تالاستىرىپ تۇرعانعا ۇقسايدى. بىراق سوڭىنان ەكەۋىنىڭ قاتتى ۇستاسىپ قالعانى سەبەپتى, ولاردى مەكەمە كۇزەتشىلەرىنىڭ اجىراتۋلارىنا تۋرا كەلدى.
ۆلاديمير كليچكونىڭ بريتانيالىق بوكسشىعا ءتىس قايراۋى جايدان-جاي ەمەس. 2012 جىلدىڭ اقپان ايىندا دەرەك چيسورا ونىڭ اعاسى ۆيتالي كليچكومەن جەكپە-جەككە تۇسەر الدىندا ءۆلاديميردىڭ بەتىنە تۇكىرگەن ەدى. وعان قوسا, بريتانيالىق بوكسشى سالماق ولشەۋ كەزىندە ءۆيتاليدىڭ بەتىنەن شاپالاقپەن تارتىپ جىبەرگەن بولاتىن. كەيىننەن وعان بۇل ارەكەتى ءۇشىن ايىپ سالىندى.
ايدار ورىسباەۆ.
