جاڭاتاس قالاسىندا ۇكىمەت باسشىسى اسقار ءماميننىڭ قاتىسۋىمەن ەلىمىزدىڭ يندۋستريا جانە ينفراقۇرىلىمدىق دامۋ مينيسترلىگى, جامبىل وبلىسىنىڭ اكىمدىگى جانە «ەۋروحيم محك» اق اراسىندا مينەرالدى تىڭايتقىشتاردى شىعارۋ زاۋىتىن سالۋ جانە پايدالانۋ جونىندەگى مەموراندۋمعا قول قويىلدى. جوباعا تارتىلعان ينۆەستيتسيالار كولەمى شامامەن 1 ميلليارد اقش دوللارىن قۇرايدى. «ەۋروحيم» الەمدەگى جەتەكشى مينەرالدى تىڭايتقىشتاردى ءوندىرۋشى كاسىپورىننىڭ ءبىرى. سونىمەن قاتار, زاۋىتتىڭ قۋاتتىلىعى جىلىنا 1 ميلليون توننا تىڭايتقىش وندىرۋگە جەتەدى. جاڭاتاس قالاسىندا «ەۋروحيم قاراتاۋ» جاۋاپكەرشىلىگى شەكتەۋلى سەرىكتەستىگى ورنالاسقان. رەسۋرستىق بازاسى قاراتاۋ فوسفورلى باسسەينىنىڭ كەن ورنى بولادى. ءوندىرىس تەحنولوگياسى قورشاعان ورتاعا زيانىن مەيلىنشە از تيگىزىپ, جوعارى ساپالى فوسفورلى جانە كەشەندى تىڭايتقىشتاردى فوسفوگيپس قالدىقتارىنسىز شىعارۋعا مۇمكىندىك بەرەدى.
ءبىر مەزەتتە جىلىنا 120 مىڭ تونناعا جۋىق كالتسي ءحلوريدى مەن كەمىندە 400 مىڭ توننا ديگيدرات گيپسى وندىرىلەتىن بولادى. بۇل اۆتوجول, مۇناي-گاز ءوندىرۋ, قۇرىلىس جانە اۋىل شارۋاشىلىعى سالالارىنىڭ قاجەتتىلىكتەرىن وتەيدى. اتالعان كاسىپورىن 2021 جىلى پايدالانۋعا بەرىلەتىن بولادى. مۇندا 2000-عا جۋىق جاڭا جۇمىس قۇرىلادى دەپ جوسپارلانعان. بۇدان كەيىن پرەمەر-مينيستر اسقار مامين «جاڭاتاس جەل ەلەكتر ستانتسياسى» قۇرىلىسىنىڭ جوباسىمەن تانىستى. اتالعان جوبانىڭ قۇنى 50 ميلليارد تەڭگە بولادى. سونداي-اق, جوبانىڭ ءبىرىنشى كەزەڭىنىڭ قۋاتتىلىعى 100 مۆت بولسا, ەكىنشى كەزەڭ 200 مۆت-تى قۇرايدى. بۇگىنگى تاڭدا مۇندا 19 جەل گەنەراتورى ورناتىلعان بولسا, 2020 جىلدىڭ ءبىرىنشى توقسانىندا ولار 40 گەنەراتورعا دەيىن جەتكىزىلەتىن بولادى.
ۇكىمەت باسشىسىنا 2020-2022 جىلدارى سالىناتىن «Qazaqsoda» جاۋاپكەرشىلىگى شەكتەۋلى سەرىكتەستىگىنىڭ كالتسيلەندىرىلگەن سودا وندىرەتىن زاۋىت قۇرىلىسىنا دايىندىق بارىسى تۋرالى باياندالدى. «Yildirim Group» تۇرىك كومپانياسىنىڭ اتالمىش جوباعا سالاتىن ينۆەستيتسيالار كولەمى 127 ميللياردقا جۋىق تەڭگەنى قۇرايدى. اتالعان كاسىپورىن ءبىرىنشى كەزەڭدە جىلىنا 400 مىڭ توننا ءونىم شىعاراتىن بولادى. پەرسپەكتيۆادا ءوندىرىس كولەمىن جىلىنا 1 ميلليون تونناعا دەيىن ارتتىرۋ جوسپارلانعان.
«جامبىل وبلىسىنا جۇمىس ساپارى بارىسىندا اسقار مامين تاراز قالاسىنداعى ءوڭىردىڭ جەتەكشى ءارى كونە كاسىپورىندارىنىڭ ءبىرى – «قازفوسفات» جاۋاپكەرشىلىگى شەكتەۋلى سەرىكتەستىگىنىڭ مينەرالدى تىڭايتقىشتار زاۋىتىن ارالاپ كوردى. جىل باسىنان بەرى زاۋىت 142 ميلليارد تەڭگەنىڭ ءونىمىن شىعارعان. سونىمەن قاتار, بۇل ونىمدەر نەگىزىنەن ىشكى نارىققا شىعارىلعان جانە رەسەي, قىتاي, اقش, گەرمانيا, بىرىككەن اراب امىرلىگى ەلدەرىنە ءىنىشارا ەكسپورتتالعان. بۇدان كەيىن ۇكىمەت باسشىسى قوسىمشا 70 جاڭا جۇمىس ورنىن اشۋعا مۇمكىندىك بەرەتىن «ساۋلە» كونديتەرلىك فابريكاسىنىڭ ءۇشىنشى وندىرىستىك جەلىسىن ىسكە قوسۋعا قاتىستى. سونىمەن قاتار, پرەمەر-مينيستر جامبىل وبلىسىنىڭ 80 جىلدىعىنا وراي تاراز قالاسىنىڭ ورتالىعىنان اشىلعان «كونە تاراز» تاريحي-ەتنومادەني كەشەنىندە بولدى. كەشەن قۇرىلىسىمەن تانىسىپ, كەشەن ىشىنەن جاڭا اشىلعان وبلىستىق تاريحي-ولكەتانۋ مۋزەيىنە باردى.
اعىمداعى جىلدىڭ 11 ايىندا جامبىل وبلىسىندا وڭدەۋ ونەركاسىبىنىڭ كولەمى 319,5 ميلليارد تەڭگەنى, نەگىزگى كاپيتالعا سالىنعان ينۆەستيتسيا كولەمى 250,1 ميلليارد تەڭگەنى قۇراعان. سونىمەن قاتار, 2020 جىلدان 2025 جىلعا دەيىنگى كەزەڭدە ىسكە اسىرۋ مەرزىمدەرىمەن جانە 11 مىڭنان استام جاڭا جۇمىس ورىندارىن قۇرۋمەن 2,7 تريلليون تەڭگەگە 66 ينۆەستيتسيالىق جوبانىڭ پۋلى قۇرىلدى.
جامبىل وبلىسى
