الماتىدا جولداسبەكوۆ اتىنداعى ستۋدەنتتەر سارايىندا وتكەن «Tuńǵyshtar kezeńi» جاستار فورۋمىندا الماتى قالاسى اكىمىنىڭ ورىنباسارى ەرجان باباقۇماروۆ جاستارعا قاتىستى مالىمەتتەرمەن ءبولىسىپ, كەمەل ەلدىڭ بولاشاعى جاستاردىڭ كۇش-جىگەرى مەن بىلىمىنە تىكەلەي بايلانىستى دەپ اتاپ ءوتتى. قالا اكىمدىگى جاستاردى قولداۋ مەن تىڭ جوبالاردى دامىتۋعا ايرىقشا كوڭىل بولە وتىرىپ, قولجەتىمدى ءارى ساپالى ءبىلىم الۋعا, جۇمىسپەن ورنالاستىرىپ, تۇرعىن ۇيمەن قامتاماسىز ەتۋگە تۇراقتى نازار اۋدارىپ كەلەدى.
كوپتىڭ قولداۋىنا يە بولعان «الماتى جاستارى» قالالىق باعدارلاماسى ودان ءارى جالعاساتىن بولادى. 2020 جىلى جۇمىس جاسايتىن جاستار قوسىمشا 1000 پاتەرمەن قامتاماسىز ەتىلەتىن بولادى. ال قازىرگى كەزدە 249 جالدامالى پاتەردىڭ كىلتى تاپسىرىلعان.
فورۋم بارىسىندا جاستار جىلىنىڭ قورىتىندىلانىپ, جاستار ۇيىمدارىنىڭ الەۋمەتتىك جوبالارى تانىستىرىلدى.
قالادا جاستاردى ەڭبەكپەن قامتۋ دا ويداعىداي جۇزەگە اسىپ كەلەدى. مىسالى, جىل باسىنان بەرى قاراي 29 جاسقا دەيىنگى 14 966 جاس جۇمىسقا (12019 ادام تۇراقتى جۇمىسپەن قامتىلدى, 1140 ادام جاستار پراكتيكاسىنا تارتىلسا, 450 ادام الەۋمەتتىك, ال 1357 ادام قوعامدىق جۇمىستاردى اتقارۋدا) ورنالاسسا, 664 ادام قىسقا مەرزىمدى كۋرستاردا ءبىلىمىن جەتىلدىرگەن.
الماتى قالاسىنىڭ «باستاۋ بيزنەس» باعدارلاماسىنىڭ «جاس كاسىپكەر» جوباسى بويىنشا ءبىرىنشى, ەكىنشى جانە ءۇشىنشى كەزەكتەردە NEET ساناتىنداعى 18-دەن 29 جاسقا دەيىنگى جاستار بىلىمدەرىن جەتىلدىردى. جوبا قالانىڭ سەگىز اۋدانىن تۇگەل قامتىدى, ساباقتار 34 وقۋ سىنىپتارىندا ءوتتى. بۇل جوبا اياسىندا جاستار كاسىپكەرلىكتىڭ نەگىزدەرىن ۇيرەنسە, جارتى ميلليون تەڭگە كولەمىندە (200اەك) بەرىلگەن گرانت جەكە كاسىپتەرىن اشۋعا مۇمكىندىك بەردى. سونىمەن قاتار, جوباعا قاتىسقاندارعا 16 759 تەڭگە كولەمىندە ستيپەنديا تولەندى.
الماتى كوللەدجدەرىندە العاشقى جۇمىسشى ماماندىعىن الۋعا بارلىق جاعدايلار جاسالعان. ول ءۇشىن قالا كوللەدجدەرىندە جۇمىسشى ماماندىعىن تەگىن وقىتۋ ءۇشىن جىل سايىن 11 مىڭنان استام ورىن بولىنەدى. جۇمىسشى ماماندىعى بويىنشا وقيتىن ستۋدەنتتەرگە ىستىق تاعام, ستيپەنديا بەرىلەدى.
الماتى جاستارى مەن ۆولونتەرلەرى پرەزيدەنت قاسىم-جومارت توقاەۆ نۇر-سۇلتان قالاسىندا جاستارمەن كەزدەسۋ كەزىندە ۆولونتەرلەر تۋرالى ايتقان باستاماسىنا قولداۋ ءبىلدىردى. وسىعان وراي, الماتى قالاسىندا نەگىزگى باعىتتار بويىنشا «ساباقتاستىق», «ساۋلىق», «تازا الەم», «اسىل مۇرا», «قامقور», ء«بىلىم», ء«ۇمىت» ۇيىمدارى جۇمىس ىستەپ كەلەدى.
فورۋم بارىسىندا ءار سالادا جۇمىس جاسايتىن بەلسەندى جاستار ماراپاتتالدى. ولاردىڭ اراسىندا جاس كاسىپكەرلەر, عالىمدار, رەجيسسەرلار, ارتىستەر, سۋرەتشىلەر, جوو-نىڭ وقىتۋشىلارى, جاستار قوزعالىستارىنىڭ كوشباسشىلارى بار.
