اتاپ ايتقاندا, ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2020 جىلدارعا ارنالعان باعدارلاماسىنىڭ II باعىتى «جاپپاي كاسىپكەرلىكتى دامىتۋ» اياسىندا 505 000 تەڭگەلىك گرانتتى – 2093 جاس يەلەندى. ونىڭ جالپى كولەمى1 ملرد تەڭگەدەن استى. بۇدان بولەك, وبلىستا كاسىپكەرلىكتى دامىتۋ بويىنشا باعدارلامالاردى ناسيحاتتاۋ, شالعاي اۋىلدارداعى جاستارعا مەملەكەتتىك الەۋمەتتىك كومەك شارالارىن ءتۇسىندىرۋ, گرانت, نەسيە الۋ جولدارىمەن تانىستىرۋ ءۇشىن اۋدانداردا وبلىستىق ءموبيلدى توپ قۇرىلدى. ناتيجەسىندە 8 600-دەن استام جاسقا ءموبيلدى قىزمەت تۇرلەرى كورسەتىلدى.
«جاسىل ەل» جوباسى بويىنشا 2019 جىلدىڭ ءساۋىر ايىنان باستاپ بۇگىنگى كۇنگە دەيىن 1275 جاس جۇمىسپەن قامتىلدى. ولاردىڭ جالاقىلارى 75 مىڭ تەڭگەنى قۇرادى. سونىمەن قاتار, «ديپلوممەن اۋىلعا» جوباسى اياسىندا 2019 جىلى 1695 جاس مامان جۇمىسقا ورنالاستى. بۇل كورسەتكىش 2018 جىلى 913 ماماندى قۇراعان. وبلىس باسشىلىعىنىڭ قولداۋىمەن 356 جاس مامان باسپانالى بولدى. جىل قورىتىندىسىمەن وبلىستىق ماسليحاتپەن بىرلەسە «ديپلوممەن اۋىلعا» فورۋمى وتكىزىلىپ, بەلسەندى جاستار ماراپاتتالدى.
ناسيحاتتاۋ جۇمىستارىنىڭ جۇيەلى ءجۇرۋىنىڭ ارقاسىندا ءتۇرلى روليكتەر مەن چەللەنجدەر ءتۇسىرىلىپ, «جاستار پراكتيكاسى» باعدارلاماسىنا قاتىسۋشىلار سانى ارتىپ, 6635 جاس 6 ايلىق جۇمىسپەن قامتىلدى. تۇڭعىش پرەزيدەنت – ەلباسى ن.ءا.نازارباەۆتىڭ تاپسىرماسىنا سايكەس, تۇركىستان قالاسىنداعى قۇرىلىس نىساندارىنا ستۋدەنت جاستار تارتىلدى. وسى ورايدا, تۇركىستان قالاسىنداعى 10 قۇرىلىس كومپانياسىمەن كەلىسىم-شارت جاسالىپ, ناتيجەسىندە ق.ا.ياساۋي اتىنداعى حقتۋ, م.اۋەزوۆ اتىنداعى وقمۋ, وڭتۇستىك قازاقستان مەملەكەتتىك پەداگوگيكالىق ۋنيۆەرسيتەتىنىڭ 1000-عا جۋىق ستۋدەنتتەرى 2 اي بويى قالامىزدىڭ قۇرىلىسىنا قاتىسىپ, گۇلدەنۋىنە ۇلەس قوستى.
سونداي-اق وبلىس اكىمدىگى تاراپىنان جازعى ماۋسىمدا جاستاردىڭ بوس ۋاقىتىن ءتيىمدى ۇيىمداستىرۋعا باعىتتالعان «TURKISTAN – JASTAR QALASY» جوباسى ۇيىمداستىرىلىپ, رەسپۋبليكا بويىنشا ەڭ اۋقىمدى, ءساتتى جوبا دەگەن باعا بەرىلدى. شاراعا 30 مىڭنان استام جاستار قاتىستى. بۇدان بولەك, تۇركىستان قالاسىندا ۇلتتىق ويىندار, ستريت بول, ستريت ۋورك اۋت, ستريت دەنسكە ارنالعان 4 جاڭا جاستار الاڭشالارى سالىندى.
تۇركىستان قالاسىنداعى تۋريزم, ينفراقۇرىلىمدى دامىتۋ باعىتىندا «ىرىس» ميكروقارجى ۇيىمىمەن بىرلەسىپ, جاس كاسىپكەرلەردىڭ بيزنەس جوبالارىن قولداۋ باعىتىندا «جاس كاسىپكەر» باعدارلاماسى جۇزەگە استى. ناتيجەسىندە جاستاردان نەسيە الۋعا – 50 جوبا ۇسىنىلىپ, 35 جوبا 1 پايىزدىق نەسيەمەن قارجىلاندىرىلدى. ونىڭ جالپى كولەمى 70 ملن تەڭگە قۇرادى. بۇگىنگى كۇنى وبلىس ورتالىعىنداعى تۋريزم, رەستوران ءىسى, ينفراقۇرىلىمدى دامىتۋ باعىتىندا جاس كاسىپكەرلەردىڭ «ەرنۇر» حوستەل, «رەيس» ستۋدياسى, «سيتي» فەرما, «YassCoffe, Yass Burger» جوبالارى ءساتتى جۇزەگە اسۋدا.
اتاپ وتەيىك, تۇركىستان وبلىستىق قوعامدىق دامۋ باسقارماسى جاستار جىلىن قورىتىندىلاۋ ماقساتىندا «تۇركىستان قالاسىن تۇركى الەمىنىڭ رۋحاني-مادەني ورتالىعىنا اينالدىرۋداعى جاستاردىڭ ءرولى» اتتى «تاۋن حولل» فورماتىنداشاراسىن وتكىزىپ, جوعارىدا اتالعان جۇمىستاردىڭ ناتيجەسى بويىنشا پرەزەنتاتسيا ۇيىمداستىردى.
