ماسەلەن, اۋىز سۋدى 10 ەلدى-مەكەن جارتىلاي پايدالانسا (ابدۋلاباد, تۇردىاباد, وتەمىس, شاپراشتى, بازارقاقپا, جاڭاتالاپ, يگىلىك, كوكبۇلاق, تاۋەلسىزدىك 20 جىل, قىزىلجار), 8 ەلدى مەكەن تاسىپ ىشەدى (باتىس, سولتۇستىك ساياجاي, ىنتىماق-2, اقجار, ايكول, اسار-2, اقتاس-2, تۇران). قالانىڭ سولتۇستىك بولىگىن اۋىز سۋمەن قامتاماسىز ەتۋ ءۇشىن 3 ماگيسترالدى سۋ قۇبىرىن تارتۋ قاجەت. كەلەسى جىلى كومەشبۇلاق سۋ جيناقتاۋشىسىنان باستى ماگيسترالدى سۋ قۇبىرى تارتىلىپ, وعان 2 ماگيسترالدى سۋ قۇبىرلارى قوسىلادى.
ناتيجەسىندە 2020 جىلى 8 تاسىمالمەن سۋ ءىشىپ وتىرعان 72 مىڭ, جارتىلاي قامتىلعان 9 ەلدى مەكەندەگى 38 مىڭنان استام حالىق اۋىز سۋمەن تولىق قامتىلادى.
سونىمەن قاتار, قالانى كاناليزاتسيامەن قامتۋ كورسەتكىشى تومەن (49%) سەبەبى ماگيسترالدى جۇيەلەرمەن قاتار, قولدانىستاعى تازالاۋ قوندىرعىسىنىڭ قۋاتتىلىعى جەتكىلىكسىز.
قالادا كوپ قاباتتى تۇرعىن ۇيلەردى جانە شالعاي ەلدى-مەكەندەردى قامتۋ ءۇشىن 2 سۋ تازارتۋ قوندىرعىسىن سالۋ قاجەت. قازىرگى تاڭدا تەحنيكالىق-ەكونوميكالىق نەگىزدەمەلەرى ازىرلەنۋدە. قۇرىلىسى 3 جىلدىق جوسپارعا ەنگىزىلدى.
كەلەسى جىلى 1 ماگيسترالدى جانە 5 ەلدى مەكەندە كارىز جۇيەسىنىڭ قۇرىلىسى جۇرگىزىلەتىن بولادى. وسىنىڭ ەسەبىنەن كورسەتكىش 49 پايىزدان 52 پايىزعا جەتەدى.
سونىمەن قاتار 35 ەلدى مەكەندە ەلەكتر ساپاسى تومەن. قازىرگى تاڭدا قالاعا ساپالى ەلەكتر قۋاتىن بەرۋ ءۇشىن 3 پودستانتسيانىڭ جانە 13 ەلدى مەكەندە ەلەكتر جەلىسىنىڭ قۇرىلىسى جۇرگىزىلۋدە. كەلەسى جىلى اتالعان جوبالاردى ىسكە اسىرۋ ارقىلى 40 مىڭعا جۋىق قالا تۇرعىندارى ساپالى ەلەكترمەن قامتىلادى.
گازبەن قامتۋعا كەلەتىن بولساق, قولدانىستاعى 2 ارگس-ءتىڭ قۋاتتىلىعى جەتىسپەيدى (قۋاتى 180,0 مىڭ م3, ناقتى قاجەتتىلىك 250 مىڭ م3). قوسىمشا 250,0 مىڭ م3 ساعاتىنا قۇرايتىن №3 اگرس سالۋ قاجەت.
بۇگىنگى تاڭدا №3 اگرس قۇرىلىس جۇمىستارى باستالدى. تابيعي گاز قىسىمىن كوتەرۋدىڭ بالامالى جولدارى قاراستىرىلىپ, كەلەسى جىلى «ساپاق داتقا» اۋىلىنان ۇزىندىعى 13,5 كم, قۋاتتىلىعى 25,0 مىڭ م3 ساعاتىنا قۇرايتىن ماگيسترالدى گاز قۇبىرىن سالۋ جوسپارلانۋدا. بۇل قالانىڭ 2-3 جىلدىق قاجەتتىلىگىن تولىق جابادى.
