ونىڭ ەڭبەكتەرىن زەرتتەي وتىرىپ, ءوز قيالىنان كەيىپكەرلەر كوستيۋمىن دۇنيەگە اكەلگەن تانىمال ديزاينەر ءتاربيا ايدىمباەۆانىڭ ءسان-كورسەتىلىمى سەرىكبولدىڭ ەسىمى بەرىلگەن مۇراجايدا كەڭ اۋقىمدا اتالىپ ءوتتى. ول ميفتىك كەيىپكەرلەر كوستيۋمدەرىنىڭ جاعىمدى جانە جاعىمسىز وبرازىن ءبىر جارىم جىلدا دايىنداپ شىعارعان. جيىنعا ەلىمىزگە تانىمال تۇلعالار, وبلىستىق باسقارما باسشىلارى, اۋدان اكىمدەرى مەن اۋىل تۇرعىندارى قاتىستى.
شارادا ءسوز العان ەل اعالارى, عالىمنىڭ جازعان تىلسىمعا تولى ەڭبەكتەرىن, از عانا عۇمىرىندا قازاققا جەتەرلىكتەي دۇنيە قالدىرعان تاريحشى-ەتنوگراف ەكەنىن ايتىپ ءوتتى. مۋزەي ماماندارى ولكەتانۋشى سەرىكبولدىڭ شىعارمالارىنداعى تومەن, ورتا جانە جوعارى دۇنيە دەپ ءۇش كەزەڭگە بولگەن تاڭعاجايىپ ەڭبەكتەرنىڭ ەكسپوناتتارىن ارنايى مۇراجاي ىشىنە جاساقتاعان. زاڭعار جازۋشى ءابىش كەكىلباي ۇلى «بۇل ساڭلاق تالانتتىڭ ساياق زەرتتەۋشىلىك ىزدەنىستەرىنە, ەرەك ەلجاندىلىعى مەن ەڭبەكسۇيگىشتىگىنە تاڭعالماسقا شارا جوق. ارماندا كەتكەن ازاماتتىڭ جەر بەتىندەگى ءىزى سۋىماي جاتىپ, ول قالدىرعان ەڭبەكتەردىڭ سياسى كەپپەي تۇرىپ عىلىمي ساراپقا ءتۇسۋى – اسا ءسۇيىنىشتى جاعداي» دەگەن بولاتىن. راسىندا, كوكىرەگىندە كونە كۇننىڭ كۇمبىرى كۇبىرلەپ, ەسكىدەن سىر اڭدىپ, بۇگىنگى تىرلىگىمىزدىڭ ءتۇپ باستاۋ, نەگىز تىرەگىن ىزدەگەن سەرىكبول ەڭ-بەگى – شەكسىز, شەتسىز الەم.
ءسان-كورسەتىلىمىن كورەرمەندەر جوعارى باعالاپ, سەرىكبول شىعارمالارىن ناسيحاتتاۋعا وزىندىك تالانتى تۇرعىسىنان كەلگەن ديزاينەرگە العىس ايتتى.
