«پرەزيدەنتتىك جاستار كادرلىق رەزەرۆىن قۇرۋ قاجەتتىگىن پرەزيدەنت قاسىم-جومارت توقاەۆ ءوزىنىڭ سايلاۋالدى باعدارلاماسىندا اتاپ وتكەن بولاتىن. سول كەزدە مەملەكەت باسشىسى رەزەرۆتىڭ جاستار ءۇشىن ءتيىمدى الەۋمەتتىك ليفتىگە اينالۋى ءتيىس ەكەنىن ايتقان ەدى. ىرىكتەۋگە ءتۇرلى سالالاردىڭ وكىلدەرى, ءتۇرلى كاسىپ يەلەرى قاتىسا الادى. ولار مىندەتتى تۇردە مەملەكەتتىك قىزمەتكەر بولۋى شارت ەمەس, كۆازيمەملەكەتتىك سەكتور, جەكەمەنشىك سەكتور, ازاماتتىق قوعام وكىلدەرى بولا الادى. كوميسسيا وتىرىسىندا ەكسپەرتتىك كوميسسيا ۇسىنعان كانديداتتار قارالدى جانە 300 جاس قازاقستاندىق ىرىكتەلىپ الىندى» دەدى قازاقستان رەسپۋبليكاسىنىڭ پرەزيدەنتى اكىمشىلىگى باسشىسىنىڭ ءبىرىنشى ورىنباسارى ماۋلەن اشىمباەۆ ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا.
ونىڭ ايتۋىنشا, رەزەرۆكە ەنگەن جاستار مەملەكەتتىك باسقارۋ جۇيەسىنەگى جاۋاپتى قىزمەتتەرگە تاعايىندالادى.
جوبا جەڭىمپازدارىنىڭ تولىق ءتىزىمىن پرەزيدەنتتىك جاستار كادر رەزەرۆىنىڭ رەسمي سايتىنان كورۋگە بولادى.
