تەحنولوگيا • 24 جەلتوقسان، 2019

IDC زەرتتەۋى: قازاقستان IT نارىعى ساپالى وزگەرىستەردەن ءوتۋ ءۇشىن بارلىق قاجەتتى العىشارتتار بار

25 رەت كورسەتىلدى

بۇگىنگى تاڭدا ءاربىر كومپانيا تسيفرلى ۇيىمعا اينالىپ وتىر. كاسىپورىندار مەن بۇكىل سالالار تۇبەگەيلى وزگەرىستەردى باستان وتكەرىپ جاتىر. بۇل – جۇمىس ورىندارى مەن قىزمەتكەرلەردىڭ بىلىكتىلىگىنە جاڭا تالاپتار قوياتىن، بولاشاقتاعى سالدارى تەرەڭ توڭكەرىستىڭ ناق ءوزى. بۇلتتىق تەحنولوگيالاردى، جاساندى ينتەللەكت پەن باسقا دا وزىق تەحنولوگيالاردى ەندىرۋ قارقىن الدى. الايدا تسيفرلى ترانسفورماتسيانى جۇزەگە اسىرىپ، باسەكە قابىلەتتىلىگىن ارتتىرۋ ءۇشىن كومپانيالارعا تەك قانا تەحنولوگيالار قاجەت ەمەس.

IDC ساراپشىلارىنىڭ Microsoft  كورپوراتسياسى ءۇشىن جۇرگىزگەن «ورتالىق جانە شىعىس ەۋروپاداعى تسيفرلىك داعدىلاردىڭ جاعدايى» (The State of Digital Skills in CEE) اتتى جاڭا زەرتتەۋى قىزىقتى ناتيجەلەردى كورسەتىپ وتىر. ماسەلەن، بۇلتتىق تەحنولوگيالاردى ەندىرىپ جاتقان شىعىس جانە ورتالىق ەۋروپاداعى كومپانيالاردا ات بىلىكتىلىگى بار ماماندارعا دەگەن قاجەتتىلىك باسقا كومپانيالارعا قاراعاندا 35%-عا جوعارى ەكەن. وسىنىڭ ناتيجەسىندە بيزنەس قازىردىڭ وزىندە تاجىريبەلى كادرلاردىڭ تاپشىلىعىنا تاپ بولىپ وتىر. بۇگىنگى تاڭدا وسى ەلدەردەگى قىزمەتكەرلەردىڭ 3،5%-ى عانا ات بىلىكتىلىگى تالاپتارىنا تولىعىمەن جاۋاپ بەرە الادى. ءتيىستى شارالار قابىلدانباسا، سۇرانىس پەن ۇسىنىس اراسىنداعى الشاقتىق ارتا بەرمەك.

قازاقستان ەكونوميكاسىنىڭ دامۋ قارقىنىن شاپشاڭداتىپ، ازاماتتاردىڭ ءومىر ساپاسىن كوتەرۋگە باعىتتالعان «تسيفرلى قازاقستان» باعدارلاماسىن جۇزەگە اسىرۋ اياسىندا مەملەكەتتىك قىزمەتتەردىڭ ەلەكتروندىق فورماتقا ءوتۋى 2020 جىلعا قاراي 80%-دى قۇراۋى ءتيىس. ءبىرىنشى كەزەكتە، اقپاراتتىق-كوممۋنيكاتسيالىق تەحنولوگيالار سالاسىنداعى مامانداردىڭ اسا تاپشى بولۋىنا بايلانىستى قازاقستان بۇل كوزدەگەن ماقساتىنا جەتپەي قالۋى مۇمكىن.

قازىر وزەكتى بولىپ وتىرعان بەس داعدىعا ساراپشىلار اۆتوماتتاندىرۋ جانە روبوتتاندىرۋ، ۇلكەن دەرەكتەردى تالداۋ، جاڭا ساۋلەتتەرگە ءوتۋ (ماسەلەن، بۇلتتىق)، موبيلدىلىك جانە نەتۆوركينگ سىندى بىلىمدەردى جاتقىزادى. تاياۋ 2-3 جىلدا بىرلەسكەن جۇمىستى جۇرگىزۋ ءۇشىن قوسىمشالاردى قولدانا ءبىلۋ، سونداي-اق، اقپاراتتىق قاۋىپسىزدىك پەن دەرەكتەردى قورعاۋ سالاسىنداعى بىلىمدەر اسا كوكەيتەستى بولا تۇسپەك.

ەندىگى جەردە، جالعىز شەشىم – ات بىلىكتىلىگىن كوتەرۋ! وسى جايتتەرگە وراي، 2019 جىلدىڭ ساۋىرىندە ءال-فارابي اتىنداعى قازاق ۇلتىق ۋنيۆەرسيتەتىندە Microsoft ات-اكادەمياسىنىڭ اشىلۋ سالتاناتى ءوتتى. اكادەميا تەحنولوگياعا باعدارلانعان ەكونوميكادا جەتىستىككە جەتۋ ءۇشىن قاجەتتى وقۋ باعدارلامالارىن ۇسىنادى.

ءال-فارابي اتىنداعى قازۇۋ، Satbayev University جانە «Astana IT University» سىندى وقۋ ورىندارىمەن ءوزارا تۇسىنىستىك تۋرالى مەموراندۋمدارعا قول قويىلدى. مامىلەلەردىڭ شارتى «تسيفرلى قازاقستان» مەملەكەتتىك باعدارلاماسىنىڭ  مىندەتتەرىن جۇزەگە اسىرۋ اياسىندا ۋنيۆەرسيتەتتەردى تسيفرعا كوشىرۋ جوبالارىن، Microsoft-تىڭ ءبىلىم بەرۋگە ارنالعان وزىق تەحنولوگيالارى مەن شەشىمدەرىن قولدانا وتىرىپ ءبىلىم بەرۋ ۇدەرىسىن دايىنداۋعا باعىتتالعان.

«Microsoft بولاشاق بۋىندى جارقىن تسيفرلىك كەلەشەككە دايىنداۋ ءۇشىن قازاقستاننىڭ ءبىلىم بەرۋ سەكتورىندا باستامالاردى جۇزەگە اسىرىپ جاتىر. قاي ءپاندى الماساق، ات داعدىلارى مەن قۇزىرەتتىلىكتەرىن مەڭگەرۋدىڭ ءرولى ارتىپ كەلە جاتقاندىعى انىق، سوندىقتان ءبىز وسى تەحنولوگيالار مەن قۇرالداردى ءاربىر ازامات ءۇشىن قولجەتىمدى ەتۋگە كومەكتەسىپ وتىرمىز»، - دەيدى Microsoft قازاقستان ءبىلىم بەرۋ سەكتورىمەن جۇمىس جۇرگىزۋ جونىندەگى باسشىسى نۇرلان جانىبەك.

IDC زەرتتەۋى قازاقستانعا قاتىستى اسا وپتيميستىك باعا بەرىپ وتىر: قازاقستان IT نارىعىندا ساپالى وزگەرىستەردەن ءوتۋ ءۇشىن بۇكىل قاجەتتى العىشارتتار بار. IDC ساراپشىلارىنىڭ پىكىرىنشە، نارىقتىڭ وڭ قارقىنمەن دامۋى بيزنەس پەن مەملەكەتتىڭ Iت-ساياساتتا ساپالى وزگەرىستەردى جۇزەگە اسىرۋعا قانشالىقتى دايىن بولۋىمەن بايلانىستى بولماق.

سوڭعى جاڭالىقتار

شەرحان مۇرتازانىڭ ءۇيى

ادەبيەت • كەشە

«جاسىل» ايماقتا ەكى ءوڭىر

كوروناۆيرۋس • كەشە

بۇگىن - انالار كۇنى

قازاقستان • كەشە

الماتىدا تەگىن ءدارى-دارمەك قاتارى ارتتى

مەديتسينا • 18 قىركۇيەك، 2021

الەمدە ەپيداحۋال قانداي؟

الەم • 18 قىركۇيەك، 2021

توكيو مارافونى 2022 جىلعا شەگەرىلدى

سپورت • 18 قىركۇيەك، 2021

الماتىدا تاۋ بوكتەرى ورتەنىپ جاتىر

ايماقتار • 18 قىركۇيەك، 2021

ۇقساس جاڭالىقتار