كەشە يتاليادا ا16 تاس جولىنىڭ نەاپول-كانوزا ۋچاسكەسىندە ورىن العان ءىرى كولىك اپاتى سالدارىنان كەم دەگەندە 36 ادام قازا تاپتى. بۇل تۋرالى «فرانس پرەسس» اگەنتتىگىنىڭ اقپارىنا سىلتەمە جاساعان ريا «نوۆوستي» حابارلاپ وتىر.
قۇتقارۋشىلاردىڭ ايتۋلارى بويىنشا, قازا بولعان 33 ادامنىڭ دەنەسى اپاتقا ۇشىراعان اۆتوبۋس ىشىنەن شىعارىلسا, تاعى ۇشەۋى قيراعان كولىكتىڭ استىنان تابىلعان.
جەرگىلىكتى باق وكىلدەرىنىڭ مالىمەتىنە سۇيەنسەك, نەاپول قالاسىنان جول ءجۇرىپ كەلە جاتقان تۋريستىك اۆتوبۋستىڭ ىشىندە 40-تان اسا ادام, ونىڭ ءبىرازى بالالار بولعان كورىنەدى.
وقيعا ورنىندا قۇتقارۋ جۇمىستارىن جۇرگىزگەن ءورت سوندىرۋشىلەردىڭ ايتۋلارىنا قاراعاندا, 11 ادام, ونىڭ ىشىندە التى ايەل, ەكى ەركەك پەن ءۇش بالا اپاتتان امان قالعان. الايدا, ولاردىڭ كوبىسى اۋرۋحاناعا اسا اۋىر حالدە جەتكىزىلگەن.
جول پوليتسياسىنىڭ دەرەگى بويىنشا, جول اپاتى ا16 تاس جولى مونتەفورتە يرپينو ەلدى مەكەنىنىڭ ماڭىندا ورىن العان. كۋاگەرلەردىڭ ايتۋىنا قاراعاندا, اۆتوبۋستىڭ تەجەگىشى ىستەن شىققان كورىنەدى. جول ۇستىندە ول بىرنەشە اۆتوكولىكتى سوعىپ ءوتىپ شامامەن 25-30 مەتر بيىكتىكتەن سايعا قۇلاپ تۇسكەن.
ايدار ورىسباەۆ.
سۋرەتتەر ريا «نوۆوستي» سايتىنان الىندى.
