«اتامەكەن» ۇكپ توراعاسى ا. مىرزاحمەتوۆ بايانداما جاسادى, ول وسى جىلدىڭ 20 جەلتوقسانىنداعى جاعداي بويىنشا «قاراپايىم زاتتار ەكونوميكاسى» سالالارىن جەڭىلدىكپەن نەسيەلەندىرۋ باعدارلاماسى اياسىندا 206 ملرد تەڭگەگە 830 جوبا ماقۇلدانعانىن مالىمدەدى, ونىڭ ىشىندە وڭدەۋ ونەركاسىبى مەن قىزمەت كورسەتۋ سالاسىندا 172 جوبا, اوك قايتا وڭدەۋ بويىنشا – 79 جوبا, اوك-تەگى ءوندىرىس بويىنشا – 579 جوبا. ونىڭ ىشىندە 707 جوبا كەڭەيتۋگە جانە جاڭعىرتۋعا, 123 جوبا جاڭا كاسىپورىندارعا نەسيە الدى. ەكىنشى دەڭگەيلى بانكتەردە 212 ملرد تەڭگە سوماسىنا جوبالار قارالىپ جاتىر.
جەڭىلدىكپەن نەسيەلەندىرۋ باعدارلاماسىن جەتىلدىرۋ ماقساتىندا ۇكىمەتتىڭ جوبالىق كەڭسەسى ينۆەستيتسيالىق ماقساتتارعا نەسيە مەرزىمىن 7 جىلدان 10 جىلعا دەيىن ۇزارتۋدى ۇسىندى, بۇل ۇزاق وتەلىمدىلىك مەرزىمى بار ءىرى جوبالاردى قولداپ, ولارعا تابىستىلىق دەڭگەيىنە شىعۋعا مۇمكىندىك بەرەدى.
سونىمەن بىرگە, نەسيەلەندىرۋگە ارنالعان تاۋارلاردىڭ ءتىزىمىن كەڭەيتۋ, نەسيەنىڭ ماقساتىنا بايلانىستى (جۇمىس ورنىن, ءوندىرىس كولەمىن, سالىقتىق تۇسىمدەردى, كىرىستەردىڭ ءوسۋىن ۇلعايتۋ) بيزنەسكە ىڭعايلاسپا مىندەتتەمەلەردى بەلگىلەۋ, تاماق ونەركاسىبى سالاسىندا اينالىمداعى قاراجاتتى 100%-عا دەيىن تولىقتىرۋعا نەسيە بەرۋ, تۋريزم سالاسىنداعى جوبالاردى قارجىلاندىرۋ ءۇشىن قدب باعدارلاماسىنا قاتىسۋ ماسەلەلەرى قاراستىرىلۋدا.
جالپى, وسى جىلدىڭ 1 شىلدەسىنەن 1 جەلتوقسانىنا دەيىن CT-KZ سەرتيفيكاتى بار جەتكىزۋشىلەردە وڭىرلەردىڭ مەملەكەتتىك ساتىپ الۋلارىنداعى جەرگىلىكتى قامتۋدىڭ ۇلەسى 2%-دان 39%-عا دەيىن ءوستى, ونىڭ ىشىندە جەڭىل ونەركاسىپ — 1%-دان 40%-عا, جيھاز ونەركاسىبى — 5%-دان 39%-عا دەيىن, قۇرىلىس يندۋسترياسى — 1%-دان 36%-عا, ازىق-ت ۇلىك ونەركاسىبى — 1%-دان 41%-عا دەيىن ارتتى.
«قاراپايىم زاتتار ەكونوميكاسىن» جەڭىلدىكپەن نەسيەلەندىرۋ باعدارلاماسى تۇڭعىش پرەزيدەنت – ەلباسى نۇرسۇلتان ءابىش ۇلى نازارباەۆتىڭ باستاماسىمەن قۇرىلعان جانە مەملەكەت باسشىسى قاسىم-جومارت كەمەل ۇلى توقاەۆتىڭ ەرەكشە باقىلاۋىنا الىنعان. ىشكى نارىقتى وتاندىق تاۋارلارمەن بارىنشا مولىقتىرۋ ءۇشىن جەرگىلىكتى وندىرۋشىلەردىڭ تۇراقتى دامۋىن قامتاماسىز ەتىپ, جۇمىستى ءارى قاراي جالعاستىرۋ قاجەت», — دەدى ا. مامين.
پرەمەر-مينيستر «قاراپايىم زاتتار ەكونوميكاسىن» جەڭىلدىكپەن نەسيەلەندىرۋ باعدارلاماسى اياسىندا الەۋەتتى كاسىپكەرلەردى ىزدەستىرۋ جانە ولاردىڭ جوبالارى تولىق ىسكە اسىرىلعانشا ولاردى سۇيەمەلدەۋ بويىنشا وڭىرلەردىڭ بەلسەندى جۇمىسىنىڭ قاجەتتىلىگىن اتاپ ءوتتى.
ا. مامين ماقۇلدانعان جوبالار بويىنشا ەڭ جاقسى كورسەتكىشتەرگە يە وڭىرلەردى اتاپ ءوتتى, ولار — باتىس قازاقستان, تۇركىستان جانە شىعىس قازاقستان وبلىستارى. نۇر-سۇلتان جانە الماتى قالالارى, اتىراۋ جانە قوستاناي وبلىستارى ارتتا قالۋشى وڭىرلەر رەتىندە اتالدى.
ۇكىمەت باسشىسى اسىرەسە رەتتەلەتىن ساتىپ الۋلاردا جەرگىلىكتى قامتۋ ۇلەسىن دامىتۋ بويىنشا جۇمىستى جالعاستىرۋ قاجەت ەكەنىن اتاپ ءوتتى.
«ورتالىق جانە جەرگىلىكتى اتقارۋشى ورگاندار ارەكەت ەتىپ تۇرعان زاڭنامانى قاتاڭ ساقتاۋى ءتيىس جانە وتاندىق وندىرۋشىلەردى قولداۋدىڭ قولدا بار قۇرالدارىن بەلسەندى پايدالانۋى قاجەت. بۇل ءبىزدىڭ بارلىق كۆازيمەملەكەتتىك سەكتورىمىزعا جانە, ەڭ الدىمەن, ساتىپ الۋ ۇلەسى ەداۋىر "سامۇرىق-قازىنا" حولدينگىنە قاتىستى», — دەدى ا. مامين.
پرەمەر-مينيستر مەملەكەتتىك ساتىپ الۋ بويىنشا دسۇ كەلىسىمىنە كىرۋ پروتسەسىنە جاۋاپكەرشىلىكپەن قاراۋدى, ساتىپ الۋلارعا تالداۋ جۇرگىزۋدى جانە وتاندىق تاۋار وندىرۋشىلەردىڭ مۇددەلەرىن ەسكەرە وتىرىپ, ۇسىنىستار ازىرلەۋدى تاپسىردى.
ء«بىز تاياۋ كەلەشەكتە كورسەتكىشتەردىڭ ەلەۋلى ءوسۋىن جانە باعدارلامانى ىسكە اسىرۋدىڭ ناقتى ناتيجەسىن كورۋگە ءتيىسپىز», — دەپ ا. مامين, جوبالىق كەڭسە اياسىنداعى جۇمىستى جالعاستىرۋدى تاپسىردى.
