«استانا جاستارى» جرو ەرىكتىلەر قوزعالىسىن دامىتۋ ءبولىمىنىڭ جەتەكشىسى ەلۆيرا ەسمۇقانوۆا بۇگىنگى شارا اياسىندا 11 ارداگەرگە ازىق-ت ۇلىك سەبەتى تاراتىلعانىن اتاپ ءوتتى.
«جاڭا جىل قارساڭىندا «ارداگەرلەردى ارداقتايىق» جانە «ادرەسا زابوتى» اكتسيالارىن وتكىزۋدى ءجون كوردىك. بۇل اكتسيانى ءبىز 3 جىل بويى تۇراقتى ۇيىمداستىرىپ كەلەمىز. شارا اياسىندا ەرىكتىلەر جالعىز باستى نەمەسە قاراۋسىز قالعان قارت ارداگەرلەرگە ازىق-ت ۇلىك تاراتامىز جانە قىستىگۇنى اۋلا قارىن تازالاۋعا كومەكتەمىز. بۇگىن ءبىز 11 ارداگەرگە ازىق-ت ۇلىك سەبەتىن سىيعا تارتۋدامىز. ولاردىڭ اراسىندا از قامتىلعان جانە تىل ارداگەرلەرى بار. جانە بۇگىنگى شاراعا 10 ۆولونتەر بەلسەنە قاتىسۋدا. جالپى جىل باسىنان ازىق-ت ۇلىك تاراتۋ جۇمىسىنا 200-گە دەيىن ۆولونتەر قاتىستى», - دەدى ول.
ءبولىم جەتەكشىسىنىڭ ايتۋىنشا, جالپى بيىلدىققا 145 ازىق-ت ۇلىك سەبەتى از قامتىلعان, تىل ارداگەرلەرى جانە كوپبالالى وتباسىلارعا تاراتىلدى.
«بىزدە قالالىق ارداگەرلەر كەڭەسى بار, ءبىز ولارمەن تىعىز بايلانىستامىز. ياعني اتالعان كەڭەس بىزگە كومەككە مۇقتاج جانداردىڭ ءتىزىمىن بەرەدى, ءبىز ءوز كەزەگىمىزدە ولارعا قول ۇشىن سوزامىز. ياعني بىرەۋگە ازىق-ت ۇلىك الىپ بەرسەك, ەكىنشىسىنە ءۇي اۋلاسىنداعى قاردى تازالاۋعا كومەكتەسەمىز. ءبىز نەگىزىنەن قار تازالاۋ جۇمىسىمەن ناۋرىز ايىندا اينالىساتىنبىز. دەگەنمەن, قار كوپ ءتۇسىپ جاتقاندىقتان جۇمىس كولەمىن ازايتۋ ءۇشىن وسى باستان كىرىستىك. قار تازالاۋ جۇمىسىنا قىس بويى 600-700 ەرىكتىنى تارتامىز», - دەدى ول.
ءبولىم باسشىسىنىڭ مالىمدەۋىنشە, ءبىر كۇندە ەرىكتىلەر 2-دەن 10-عا دەيىنگى ءۇيدىڭ قارىن تازالايدى.
