ءار ادام اۋداندى دامىتۋ بويىنشا تولعاندىرعان سۇراقتار مەن ۇسىنىستاردى ايتتى. تۇرعىندار ەلدى-مەكەندەردى دامىتۋ, قالالىق قوعامدىق كولىكتىڭ جۇمىسى, الەۋمەتتىك نىسانداردىڭ قۇرىلىسى, كوشەلەردى جارىقتاندىرۋ, سانيتارلىق تازالاۋ بويىنشا سۇراقتار قويدى.
سونداي-اق ۇلەستىك قۇرىلىس نىساندارىنىڭ قۇرىلىسىن جاڭارتۋ, سونىڭ ىشىندە «شىعىس», «جاعالاۋ» تۇرعىن ءۇي كەشەندەرى جانە وسى تۇرعىن ءۇي نىساندارىمەن بايلانىستى باسقا دا ماسەلەلەر كوتەرىلدى. «شىعىس» تۇرعىن ءۇي كەشەنىندە 8 تۇرعىن ءۇي توبى بار. 3 توپ بويىنشا قۇرىلىس جۇمىستارى جۇرگىزىلىپ جاتىر, 2 توپ بويىنشا – جوبالىق-سمەتالىق قۇجاتتاما ازىرلەنۋدە, قالعاندارى بويىنشا – قارجى مودەلى ازىرلەنىپ جاتىر. «التىن شار» تۇرعىن ءۇي كەشەنىن «نۇرلى جەر» باعدارلاماسى اياسىندا اياقتاۋ جوسپارلانىپ وتىر.
«جاعالاۋ» تۇرعىن ءۇي كەشەنىندەگى №3 پوليگوندا قۇرىلىس-مونتاج جۇمىستارى جۇرگىزىلىپ جاتىر. قۇرىلىس سالۋشى ۋادە بەرەدى, الايدا بەرگەن ۋادەسىندە تۇرمايدى, تۇرعىنداردىڭ سەنىمىن اقتامايدى. زاڭ اياسىندا شەشىم قابىلدايتىن بولامىز», - دەدى قالا اكىمى التاي كولگىنوۆ.
ەلوردا اكىمى التاي كولگىنوۆ بيىل قۇرىلىسى ۇزاققا سوزىلعان پروبلەمالىق تۇرعىن ءۇي كەشەندەرىنىڭ سانى 10-عا ازايعانىن ايتتى. بۇل 2,5 مىڭ ۇلەسكەردىڭ ماسەلەسىن شەشۋگە مۇمكىندىك بەردى. جەلتوقسان ايىنىڭ سوڭىنا دەيىن ءوز پاتەرلەرىنە «كومفورت De Luxe» تۇرعىن ءۇي كەشەنىنىڭ ۇلەسكەرلەرى قونىستانادى.
ۇلەستىك قۇرىلىستاعى نەگىزگى پروبلەمالار قۇرىلىس سالۋشىلارمەن جانە پايشىلاردىڭ اراسىنداعى سوت, جوبالىق-سمەتالىق قۇجاتتامانىڭ جانە ساراپتامانىڭ, قارجىلىق جانە تەحنيكالىق ءاۋديتتىڭ بولماۋى بولدى.
ءاربىر نىسان بويىنشا اكىمدىك جۇمىستار جۇرگىزىپ جاتىر. 32 تۇرعىن ءۇي كەشەنىنىڭ 26-سى بويىنشا اۋديت جۇرگىزىلدى, 13 تۇرعىن ءۇي كەشەنى بويىنشا جوبالىق-سمەتالىق قۇجاتتاما ازىرلەندى جانە مەملەكەتتىك ساراپتامانىڭ وڭ قورىتىندىسى الىندى. 19 نىسان بويىنشا جوبالىق-سمەتالىق قۇجاتتاما دايىنداۋ جانە تۇزەتۋ ساتىسىندا. «نۇرلى جەر» باعدارلاماسىنا وزگەرىستەر ەنگىزىلدى, بۇل ينۆەستورلار ىزدەستىرۋدى جەڭىلدەتۋگە جانە قۇرىلىس جۇمىستارىن جەدەلدەتۋگە مۇمكىندىك بەردى.
ءاربىر وبەكت بويىنشا قادامدىق ءىس-شارالار جوسپارى ازىرلەندى, وبەكتىلەردىڭ جول كارتاسى بەكىتىلدى. كوتەرىلگەن ماسەلەلەردىڭ ءبىر بولىگى شەشىلسە, قالعاندارى جۇمىسقا الىندى. وسىنداي كەزدەسۋلەر جۇيەلى تۇردە وتكىزىلەتىن بولادى.
