ءىىم وسى جىلى «شەتەلدىكتەردى شاقىرۋ» قىزمەتىن ەلەكتروندى فورماتقا كوشىردى. ەلگە شاقىرۋدى راسىمدەۋ – بۇل ىشكى ىستەر مينيسترلىگى كورسەتەتىن سۇرانىستاعى مەملەكەتتىك قىزمەتتەردىڭ ءبىرى. ءدال وسى شارا قازاقستانعا كەلگىسى كەلگەن شەتەلدىك ازاماتتاردى اۋرەگە سالىپ, كوپ ۋاقىتتارىن الاتىن. قۇجاتتاردى جيناقتاۋ, قازاقستان ەلشىلىگىنە بارۋ جانە جاۋاپ كۇتۋ كەيدە 30 جانە ودان دا كوپ كۇنگە سوزىلادى.
بۇل قىزمەتتى ەندى ۇيدەن شىقپاي-اق كوشى-قون ۆيزاسى www.vmp.gov.kz. پورتالى ارقىلى 5 كۇندە الۋعا بولادى.
كوشى-قون ۆيزاسى پورتالىنداعى جەكە كابينەتتە شەتەلدىككە شاقىرتۋدى راسىمدەۋشى تۇلعاعا ءوتىنىشتى تولتىرىپ, شەتەلدىكتىڭ جەكە مالىمەتتەرىن ەنگىزۋ, ەلەكتروندى ۇكىمەت پورتالىنىڭ تولەم شليۋزى ارقىلى مەملەكەتتىك باج سالىعىن ء(اربىر شاقىرىلۋشىعا 0,5 اەك) تولەۋ قاجەت.
ارادا 5 جۇمىس كۇنى وتكەندە ءوتىنىش بەرۋشىنىڭ جەكە كابينەتىنە شاقىرتۋدىڭ 10 تاڭبالى تىركەۋ ءنومىرى كەلىپ تۇسەدى, وسى ءنومىردى شەتەلدىك ازاماتقا حابارلاۋ قاجەت.
ال شەتەلدىك ازامات كوشى-قون ۆيزاسى پورتالىندا ءوتىنىمدى تولتىرادى.
ارادا 15 مينۋت وتكەندە شەتەلدىك ەلەكتروندى ۆيزا الادى.
ەلەكتروندى ۆيزانى قاعازعا شىعارىپ, قازاقستان شەكاراسىندا تولقۇجاتتىق تەكسەرۋدەن ءوتۋ كەزىندە شەكارا قىزمەتى قىزمەتكەرلەرىنە كورسەتۋى كەرەك.
قازىرگى ۋاقىتتا قازاقستانعا ىسكەرلىك ماقساتتا كەلەتىن شەتەلدىكتەرگە ەلەكتروندى شاقىرتۋ قىزمەتى ءبىر رەتتىك ەلەكتروندى ۆيزا راسىمدەۋ ءۇشىن «ۆ1», «ۆ2» جانە «ۆ3» ساناتتارى بويىنشا جانە جەكە ماقساتتارمەن كەلەتىندەرگە «ۆ10» ساناتى بويىنشا قولجەتىمدى.
اتاپ وتەر جايت, قازىرگى ۋاقىتتا ەلەكتروندى ۆيزانىڭ كومەگىمەن نۇر-سۇلتان جانە الماتى قالالارىنداعى حالىقارالىق اۋەجايلارىندا تولقۇجاتتىق تەكسەرۋدەن وتۋگە بولادى. وسىنداي ءتارتىپتى قازاقستان رەسپۋبليكاسىنىڭ مەملەكەتتىك شەكاراسىنداعى وزگە وتكىزۋ پۋنكتتەرىندە دە 2020 جىلى قولدانۋ جوسپارلانىپ وتىر.
