الماتىلىق عالىمدار ادام اعزاسىنداعى قاتەرلى ىسىكتىڭ بار-جوعىن انىقتايتىن تىڭ ءتاسىل ويلاپ تاپتى. ونىڭ كومەگىمەن وبىر سىرقاتىن بار بولعانى ون ءمينوت ىشىندە انىقتاۋعا بولادى. بۇل تۋرالى «جەتىنشى» تەلەارنا حابارلادى.
الماتى قالاسىندا ورنالاسقان قازاقستان-جاپون يننوۆاتسيالىق ورتالىعىنىڭ قىزمەتكەرلەرى قان قۇرامىنداعى سارى سۋدى جاقىننان ساۋلەلەندىرۋ ارقىلى قاي مۇشەنىڭ وبىرعا شالدىققانىن ءدوپ باسىپ ايتا الادى ەكەن. ءۇش جىل بۇرىن قولعا الىنعان بۇل ءىستىڭ ناتيجەسى بار سەكىلدى. وسى ۋاقىت ارالىعىنا دەيىن عالىمدار جەكە كلينيكالارمەن بىرلەسىپ, مىڭ جارىمعا تارتا ازاماتتىڭ قان قۇرامىن تەكسەرگەن. ال ونىڭ قورىتىندىسى ءىس جۇزىندە دالەلدەنگەن. قازاقستان-جاپون يننوۆاتسيالىق ورتالىعىنىڭ ديرەكتورى دياس مىرزاقوجانىڭ ايتۋىنشا, قاتەرلى ىسىكتى جەدەل انىقتايتىن تىڭ ءتاسىل ءالى مەديتسينا سالاسىنا تولىق ەنگىزىلمەگەن. سەبەبى, ونى ىسكە اسىرۋعا قارجى تاپشىلىعى كەدەرگى كەلتىرىپ تۇر.
دانيار تۇيمەباي.
