- بۇگىنگى تاڭدا تۇرعىن ءۇي قۇرىلىس جيناق بانكى سالىمدار بويىنشا ەڭ جوعارى ءتيىمدى مولشەرلەمەنى - 13% - عا دەيىن ۇسىنادى. 2% بازالىق مولشەرلەمە كەزىندە دەپوزيتتەر بويىنشا مۇنداي تابىسقا مەملەكەتتىڭ 20% مولشەرىندەگى سىيلىقاقىسى ەسەبىنەن قول جەتكىزىلەدى. ول 200 اەك نەمەسە 505 000 تەڭگەدەن اسپايتىن سوماعا ەسەپتەلەدى. ياعني, ەگەر ءبىر جىل ىشىندە ءبىزدىڭ كليەنت وسىنداي سومانى جيناسا نەمەسە ونى ءبىر مەزگىلدە ەنگىزسە, 2019 جىلدىڭ قورىتىندىسى بويىنشا ول ەڭ جوعارى سىياقى – 101 000 تەڭگە الادى, - دەپ ءتۇسىندىردى مەدەت ابۋگاليەۆ.
تقجب-دە شوت بولا تۇرا, مەملەكەتتىك باعدارلامالارعا قاتىسۋعا نەمەسە كوممەرتسيالىق نارىقتا شارشى مەتر ساتىپ الۋعا بولادى. ءوڭىرىمىزدىڭ 10 مىڭعا جۋىق تۇرعىنى فيليالدىڭ اشىلۋىنان باستاپ تۇرعىن ءۇي-قۇرىلىس جيناق جۇيەسى ارقىلى تۇرعىن ءۇي جاعدايىن جاقسارتتى.
«اسكەري باسپانا» باعدارلاماسى اياسىندا ءبىزدىڭ وڭىردە 2018-2019 جىلدارى جالپى سوماسى 4,359 ملرد تەڭگەگە 295 قارىز بەرىلدى. ونىڭ ىشىندە 2018 جىلى 1,005 ملرد تەڭگەگە 83 قارىز بەرىلدى, 2019 جىلى جالپى سوماسى 3,354 ملرد تەڭگەگە 212 قارىز بەرىلدى.
تۇرعىن ءۇي تولەمدەرىن الاتىن اسكەري قىزمەتشىلەر مەن ارنايى ورگانداردىڭ قىزمەتكەرلەرى باعدارلاماعا قاتىسۋشىلار بولىپ تابىلادى. باعدارلاماعا قاتىسۋ ءۇشىن ولاردان تۇرعىن ءۇي قۇنىنىڭ 15% جيناقتاۋمەن تۇرعىن ءۇي قۇرىلىس جيناق بانكىندە ارنايى سالىم بولۋى قاجەت, نەسيە 8% - عا دەيىنگى مولشەرلەمە بويىنشا رەسىمدەلەدى, وسى ءونىم بويىنشا قارىزدار باستاپقى جانە قايتالاما تۇرعىن ءۇي ساتىپ الۋعا بەرىلەدى. باعدارلامانى جاڭارتۋ 2020 جىلى جوسپارلانىپ وتىر.
«باقىتتى وتباسى» باعدارلاماسى 2019 جىلدىڭ 17 شىلدەسىنەن باستالدى. 2019 جىلعى 11 جەلتوقسانداعى جاعداي بويىنشا ءبىزدىڭ وڭىردە 257 كليەنت وسى باعدارلاما بويىنشا ءوتىنىم بەردى, ونىڭ ىشىندە 172 كليەنت قارىز الدى, تاعى 69 قاتىسۋشى وڭ شەشىم الىپ, تۇرعىن ءۇي ىزدەۋ بارىسىندا.
جاڭا الەۋمەتتىك باعدارلاماعا كوپ بالالى وتباسىلار, مۇمكىندىگى شەكتەۋلى بالالاردى تاربيەلەپ وتىرعان وتباسىلار جانە كامەلەتكە تولماعان بالالارمەن تولىق ەمەس وتباسىلار قاتىسا الادى.
ولار ءۇشىن نەسيە سوماسىنىڭ 10% مولشەرىندە باستاپقى جارنا بولعان جاعدايدا جىلدىق 2% مولشەرلەمە بويىنشا قارىزدار بەرىلەدى. قارىز مەرزىمى - 20 جىلعا دەيىن.
«باقىتتى وتباسى» باعدارلاماسىنىڭ كومەگىمەن العاشقى جانە ەكىنشى نارقتان پاتەرلەر نەمەسە جەكە ءۇي ساتىپ الۋعا بولادى. قارىزدىڭ ەڭ جوعارعى سوماسى اقتاۋ قالاسىندا 15 ملن تەڭگەنى, ال وڭىردە بۇل سوما 10 ملن تەڭگەنى قۇرايدى.
تۇرعىن ءۇي قۇرىلىس جيناق بانكى داعدارىسقا قارسى ء«وز ءۇيىم» جەكە باعدارلاماسىن ازىرلەدى.
بۇگىنگى تاڭدا فيليال كەلەسى نىسانداردا تۇرعىن ءۇي ساتىپ الۋدى ۇسىنىپ وتىر:
3 شاعىن اۋدان, №8 ءۇي - تك «مامىر» جشس «قۇرىلىسسترويسەرۆيس» كومپانياسى. وسى تۇرعىن ءۇي كەشەنىندەگى 1 ش.م. قۇنى 167 000 تەڭگەنى قۇرايدى. 3 كلاسس جايلىلىعى, تازالاۋ الدىنداعى ارلەۋ, تۇرعىن ءۇي شاعىن اۋداندا تەڭىزدىڭ, ينفراقۇرىلىمى دامىعان كوپ قاباتتى تۇرعىن ۇيلەردىڭ جانىندا, بالاباقشالار مەن مەكتەپتەردىڭ جانىندا ورنالاسقان. ينجەنەرلىك كوممۋنيكاتسيالار قوسىلعان, جۇزەگە اسىرىلاتىن پاتەرلەردىڭ اۋدانى 1 بولمەلى-41,5 م2, 3 بولمەلى-84,5 م2 قۇرايدى.
19 شاعىن اۋدان, تك «حانشايىم» جشس «كازسترويپرەميۋم-2007» كومپانياسى. بۇل تۇرعىن ءۇي كەشەنىندەگى 1 ش.م. قۇنى 125 000-130 000 تەڭگەنى قۇرايدى. 3 كلاسس جايلىلىعى, تازالاۋ الدىنداعى ارلەۋدە, ءۇي پەرسپەكتيۆالى جاڭا شاعىن اۋداندا جول بويىندا, قازاق-تۇرىك ليتسەيىمەن (قتل), ينفراقۇرىلىمى دامىپ كەلە جاتقان كوپ قاباتتى تۇرعىن ۇيلەردىڭ, بالاباقشالاردىڭ, مەكتەپتەردىڭ جانىندا ورنالاسقان. ينجەنەرلىك كوممۋنيكاتسيالار جۇرگىزىلگەن. كولىك تۇراعى, بالالار الاڭى بار. تۇرعىن ءۇي ۇلۋتاستان جاسالعان, پانورامالىق تەرەزەلەرى بار. وتكىزىلەتىن پاتەرلەردىڭ اۋدانى 1 بولمەلى-59,0 م2, 2 بولمەلى – 78,3 م2, 3 بولمەلى-111,64 م2. سونداي-اق, 34 شاعىن اۋدان, تك «ميراس» جشس «مەگاسترويسەرۆيس» كومپانياسى. بۇل تۇرعىن ءۇي كەشەنىندەگى 1 ش.م. قۇنى 165 000-175 000 تەڭگەنى قۇرايدى. 3 كلاسس جايلىلىعى, تازالاۋ الدىنداعى ارلەۋدە, اقتاۋ قالاسىنىڭ دامىپ كەلە جاتقان اۋدانىندا ورنالاسقان, وبەكتىنىڭ ورنالاسۋى وتە ىڭعايلى, «ماڭعىستاۋ ارەنا» سپورت كەشەنى, نازارباەۆ زياتكەرلىك مەكتەبى, «دينا» گيپەرماركەتى, بالاباقشالار جانىندا ورنالاسقان. ينجەنەرلىك كوممۋنيكاتسيالار قوسىلعان. وتكىزىلەتىن پاتەرلەردىڭ اۋدانى 1 بولمەلى-44,0 م2, 2 بولمەلى – 65,1 م2, 3 بولمەلى-107,06 م2.
16 شاعىن اۋدان, № 49 جانە 50 ۇيلەر. جشس «كازەليتستروي» كومپانياسى تك «كەرەمەت». تۇرعىن ءۇي پەرسپەكتيۆالى جاڭا شاعىن اۋداندا «اقتاۋ» ساۋدا-ويىن-ساۋىق ورتالىعىنىڭ, بولاشاقتا ينفراقۇرىلىمى دامىعان كوپ قاباتتى تۇرعىن ۇيلەردىڭ جانىندا ورنالاسقان, بولاشاقتا بالاباقشا, مەكتەپ قۇرىلىسى جوسپارلانۋدا. كولىك تۇراعى, بالالار الاڭى, مينيماركەتتەر بار. كىرمە جولدار وتە ىڭعايلى. 1 ش. م. قۇنى 190 000 تەڭگەنى قۇرايدى. وتكىزىلەتىن پاتەرلەردىڭ اۋدانى 1 بولمەلى-54,0 م2, 2 بولمەلى-73,5 م2, 3 بولمەلى – 121,7 م2 جانە 4 بولمەلى-160,0م2.
بۇدان ءارى تك «ايراقتى» جانە «ايراقتى -2» جشس «كاسپي قۇرىلىس لتد». ۇيلەر 17 شاعىن اۋداندا ورنالاسقان. جاڭا جول مەن ترك «اقتاۋ»-عا جاقىن. اۋلادا جاڭا ۇيلەردىڭ تۇرعىندارىنا ارنالعان جەكەمەنشىك بالاباقشالار بار. كەشەن اۋماعىندا شاعىن ماركەتتەر, تاماشا بالالار الاڭى, بولاشاقتا مەكتەپ قۇرىلىسى جوسپاردا بار. پاتەر اۋدانى 1 بولمەلى-52,2 م2, 2 بولمەلى-66,7 م2.
ء«وز ءۇيىم» باعدارلاماسىنا قاتىسۋدىڭ ماڭىزدى ارتىقشىلىعى ونىڭ شەڭبەرىندە مەنشىكتە باسقا تۇرعىن ءۇي الۋعا رۇقسات ەتىلەدى.
ماڭعىستاۋ وبلىسىندا ء«وز ءۇيىم» باعدارلاماسى اياسىندا 2020 جىلى قالانىڭ بولاشاعى بار جانە دامىپ كەلە جاتقان شاعىن اۋداندارىندا جاڭا ۇيلەردى ىسكە اسىرۋ جوسپارلانىپ وتىر. بۇل ۇيلەردەن پاتەر ساتىپ الۋ ءۇشىن ءبىزدىڭ سالىمشىلارعا 20% -50% مولشەرىندە باستاپقى جارنا جەتكىلىكتى بولادى, نەسيە بويىنشا مولشەرلەمە جىلدىق 7% قۇرايدى.
بارلىق سالىنىپ جاتقان نىساندار تۋرالى اقپاراتتى baspana.kz سايتىنان الۋعا بولادى. بۇل پورتال تاڭداۋدى جەڭىلدەتۋگە جانە تۇرعىن ءۇيدى ءبولۋ پروتسەسىنىڭ اشىقتىعىنا ارنالعان. ول جەردە ۇمىتكەر سالىنىپ جاتقان نىسانداردىڭ ساتىسىن كورىپ, بايقاۋعا قاتىسۋعا ءوتىنىش بەرە الادى.
ماڭعىستاۋ وبلىسى
