الەمگە تانىمال «انونيمۋس» اتتى حاكەرلەر توبى پەرۋ مەملەكەتىنىڭ پرەزيدەنتى وليانتا ۋمالانىڭ جەكە سايتى مەن بىرنەشە ۇكىمەتتىك سايتتارعا بۇزىپ كىرگەن. بۇل تۋرالى جەرگىلىكتى بۇقارالىق اقپارات قۇرالدارىنىڭ جەكسەنبى كۇنگى بەرگەن مالىمەتىنە سۇيەنە وتىرىپ, يتار-تاسس حابارلادى.
ساراپشىلاردىڭ پىكىرلەرىنشە, اتالمىش حاكەرلەر توبى پرەزيدەنت سايتىنا شابۋىلدى پەرۋ مەملەكەتىنىڭ تاۋەلسىزدىگى تويلاناتىن 28 شىلدەدگە ورايلاسىترا جاساعان. ولار مەملەكەت باسشىسىنىڭ سايتىن بۇزىپ كىرىپ, ونىڭ بەتىندە حالىققا حابارلاما جازىپ كەتكەن. «ءبىزدىڭ قوعامدا ۇكىمەت پەن پاراقور ءباسپاسوزدىڭ كومەگىمەن بوستاندىعىمىزعا نۇقسان كەلتىرىپ جۇرگەن جاۋ بار. بۇل جاۋ – كورگەنسىزدىك», – دەپ جازىلدى حابارلامادا.
قازىرگى ۋاقىتتا وليانتا ۋمالانىڭ سايتى جابىق تۇر.
ايدار ورىسباەۆ.
