وڭتۇستىك كورەيا كومپانياسى ليفت ورتالىعىن سالۋ بويىنشا ىنتىماقتاستىققا دايىن ەكەندىگىن ءبىلدىردى. جاڭا ورتالىق ساتۋدان كەيىنگى باسقارۋ تەحنولوگيالارىنىڭ ترانسفەرتى ماسەلەلەرىمەن, قۇرىلىس جابدىقتارىنا قىزمەت كورسەتۋمەن, قامتاماسىز ەتۋمەن, تەحنولوگيالاردى دامىتۋمەن, ءونىمنىڭ قاۋىپسىزدىگىن قامتاماسىز ەتۋمەن, زەرتتەۋمەن جانە ازىرلەۋمەن, وقىتۋ سەمينارلارى مەن ترەنينگتەر وتكىزۋمەن اينالىساتىن بولادى.
ايتا كەتەتىن جايت, شەتەلدىك كومپانيا الماتى وبلىسىندا ليفت وندىرۋمەن اينالىساتىن LGS Elevator قازاقستاندىق-كورەي كاسىپورنى ءۇشىن بولشەكتەر مەن جيناقتاۋىشتاردى جەتكىزۋشى. سونداي-اق كومپانيا وكىلدەرى قازاقستان رەسپۋبليكاسىندا اۋىل شارۋاشىلىعى تەحنيكاسىن شىعارۋ باعىتىندا دا بىرلەسە ارەكەت ەتۋگە نيەتتى ەكەندىكتەرىن دە جەتكىزدى.
كومپانيانىڭ باس ديرەكتورى حام ەن-چحەر قازاقستاندىق تاراپ جوبانى قولداعان جاعدايدا باستامانى ىسكە اسىرۋ ءۇشىن 7-8 ميلليون اقش دوللارى كولەمىندە قارجى بولۋگە دايىن.
قازىرگى ۋاقىتتا كوپقاباتتى تۇرعىن ۇيلەردە 24 025 بىرلىك جەدەلساتى پايدالانىلۋدا, ونىڭ ىشىندە جولاۋشىلارعا ارنالعان - 23 547 بىرلىك ليفت, جۇك-جولاۋشى-478 بىرلىك ليفت. 13 863 ليفت جۇمىس ىستەپ تۇر, 1 684-ى جوندەۋدى قاجەت ەتەدى, ال 4 478 ءليفتتى اۋىستىرۋ قاجەت.
