بىرلەسكەن ءىس-قيمىل جوسپارى سونداي-اق جۇمىس بەرۋشىنىڭ, قىزمەتكەردىڭ جانە قالا اكىمشىلىگىنىڭ ءوزارا جاۋاپكەرشىلىگىن ارتتىرۋعا, قىزمەتكەرلەردىڭ الەۋمەتتىك-ەكونوميكالىق قۇقىقتارىن قورعاۋ جونىندەگى شارالاردى كۇشەيتۋگە, سالاۋاتتى جۇمىس كۇشىن قالىپتاستىرۋعا باعىتتالعان.
قالا اكىمى التاي كولگىنوۆ ەلوردادا 50 مىڭ كاسىپورىن تىركەلگەندىگىن, وندا 480 مىڭ قىزمەتكەر جۇمىس ىستەيتىندىگىن ايتتى. وسى جىلدىڭ ىشىندە جاسالعان ەڭبەك شارتتارىنىڭ سانى 4 مىڭنان 7 مىڭعا دەيىن, ەكى ەسە ارتتى.
ء«بىز ءۇشىن ەڭ باستىسى - قىزمەتكەرلەردىڭ مۇددەلەرى مەن قۇقىقتارىن قورعاۋ, قاۋىپسىزدىك تەحنيكاسى ەرەجەلەرىن ساقتاۋ. ۇجىمدىق شارتتار وندىرىستىك جاراقاتتار سانىن ازايتۋعا مۇمكىندىك بەردى, ءولىم-ءجىتىم جاعدايلارى 3 ەسەگە تومەندەدى. سونداي-اق, «GLB» جشس جالاقى بويىنشا 400 ملن تەڭگەدەن استام قارىزىن وتەدى. وندا 700-دەن استام ادام ەڭبەك ەتەدى. جول كارتاسىنىڭ ارقاسىندا 2020 جىلى ءىرى جانە ورتا كاسىپورىندار قىزمەتكەرلەرىن 100% ۇجىمدىق كەلىسىممەن قامتاماسىز ەتۋدى جوسپارلاپ وتىرمىز, شاعىن ۇيىمداردا كورسەتكىشتى 50%-عا دەيىن جەتكىزەمىز», - دەدى التاي كولگىنوۆ.
