شىنىندا دا بالالارعا ايتارلىقتاي شاتتىق سىيلاعان مەرەكەلىك شەرۋدە 100-دەن استام بالاقاي بي مەن مۋزىكاعا ىلەسىپ, قالالىقتارعا كوڭىلدى فلەش-موبتار كورسەتتى. كۇتپەگەن جەردەن پايدا بولعان جۇزدەگەن اياز بالا مانداريندەر مەن ءتاتتى كۇلشەلەر تاراتىپ, تاماشا كوڭىل-كۇي سىيلادى.
قالالىقتاردى دا ءبىر قۋانتىپ وتكەن بۇل شەرۋدى الماتى قالاسى اكىمدىگىنىڭ قولداۋىمەن «ايالا» قايىرىمدىق قورى وتكىزدى.
ايتپەسە, ءداستۇر بويىنشا ءبىرىنشى كەزەكتە جاڭا جىل الدىندا بالالار ۇيلەرى مەن مەكتەپ-ينتەرناتتاردىڭ تاربيەلەنۋشىلەرىن قۋانتۋعا تىرىساتىنىمىز بەلگىلى. «اياز اتاعا حات» جازعان بالالاردىڭ اسىل تىلەكتەرى ورىندالادى. دەگەنمەن, بيىل الماتىداعى اياز بالاقايلار شەرۋىن ۇيىمداستىرۋشىلار بۇل ءداستۇردى وزگەرتتى.
«ارينە, ءبىزدىڭ ءىس-شارانىڭ باستى ماقساتى – ءوز قالامىزدىڭ تۇرعىندارى ءۇشىن مەرەكەلىك كوڭىل كۇي سىيلاۋ. بىراق ءبىز جاڭا جىل مەرەكەسىندە كوپ كوڭىل بولىنەتىن مەكتەپ-ينتەرناتتاردىڭ تاربيەلەنۋشىلەرى وزدەرىنىڭ دە سىيلىق بەرىپ, كوڭىل ءبولۋدىڭ وتە جاقسى ەكەنىن سەزگەنىن قالادىق. ءبىزدىڭ قور قازاقستاندا قايىرىمدىلىق مادەنيەتىن قالىپتاستىرۋعا كومەكتەسۋگە تىرىسادى. كۇنكورىسى تومەن وتباسىلاردىڭ بالالارى ءىس-شارالارعا قاتىسىپ, اينالاسىنداعى ادامدارعا كوڭىل ءبولۋى جانە جىلى لەبىز ءبىلدىرۋى ولاردىڭ قايىرىمدى, ىقىلاستى جانە جومارت ادام بولىپ وسۋىنە كومەكتەسەتىنىنە سەنىمدىمىز», – دەدى «ايالا» قايىرىمدىلىق قورىنىڭ پرەزيدەنتى ايدان سۇلەيمەنوۆا.
سونىمەن اياز بالاقايلار شەرۋى الماتىداعى پانفيلوۆ كوشەسىنىڭ جاياۋ جۇرگىنشىلەر جاعىمەن تولە بي داڭعىلىنان جىبەك جولى كوشەسىنىڭ ابىلاي حان داڭعىلىمەن قيىلىسىنا دەيىن جالعاستى. جول بويى بالالار تاجىريبەلى انيماتورلاردىڭ جەتەكشىلىگىمەن 3 فلەش-موب وتكىزىپ, جۇرگىنشىلەردى قۇتتىقتاپ, مانداريندەر مەن تاتتىلەر تاراتتى.
«اياز بالاقايلار پارادىنا قاتىسۋ بالالارعا مەرەكەنى وزدەرى دە جاساي الاتىندىقتارىنا سەندىرىپ, ۇمىتىلماستاي ساتتەر سىيلايتىنىنا, سونداي-اق قوعامنان بولاشاقتا ودان دا كوپ الۋ ءۇشىن وعان قازىر بىردەڭە بەرۋدىڭ مىندەتتى ەكەنىن تۇسىنەتىنىنە سەنىمدىمىز», – دەيدى ۇيىمداستىرۋشىلار.
سالتاناتتى وقيعا اياقتالعاننان كەيىن بارلىق اياز بالاقايلاردى Zheka’s ءدامحاناسى قوناق ەتتى. البەتتە, ۇيىمداستىرۋشىلار بۇل كۇننىڭ ودان دا تاماشا جانە ەستە قالارلىق بولۋى ءۇشىن ءار بالاعا ءتاتتى سىيلىقتار بەردى.
الماتى
