سپارتاكيادا الاڭى ەلىمىزدىڭ ايماقتارىنان كەلگەن سپورتشىلاردى ەرەكشە جاعدايدا قارسى الىپ, مەكتەپ وقۋشىلارىنىڭ كونتسەرتتىك باعدارلاماسىمەن باستالدى.
نازارباەۆ زياتكەرلىك مەكتەپتەرىن دامىتۋ جونىندەگى مامان اقمارال يديريسوۆانىڭ ايتۋىنشا, ءىى جەلىلىك سپارتاكيادا فۋتزال, باسكەتبول, ۆولەيبول, توعىزقۇمالاق ۇلتتىق ويىندارىن وتكىزۋمەن باستالعان. قازىرگى كەزدە فۋتبول مەن توعىزقۇمالاق ويىندارى ءوز مارەسىنە جەتىپ, بالالاردىڭ دەمالىس كۇندەرىندە باسكەتبول جانە ۆولەيبول ويىندارىمەن جالعاسىن تابۋدا. الماتىداعى حيميا-بيولوگيا باعىتىنداعى مەكتەپتە قاتىسۋشىلار ۆولەيبولدان باق سىناسىپ جاتسا, فيزيكا-ماتەماتيكا مەكتەبىندە باسكەتبولشىلار جارىسقا تۇسۋدە. ءىى جەلىلىك سپارتاكيادانىڭ ماقساتى اكادەميالىق ءىس-شارالارمەن عانا ەمەس بالالاردىڭ سپورتقا قىزىعۋشىلىعىن, سونداي-اق زياتكەرلىك مەكتەپتە ءبىلىم الىپ جاتقان بالالاردىڭ دوستىق قارىم-قاتىناسىن نىعايتۋدى كوزدەيدى. باسكەتبول ويىندارىنا ايماقتىق ويىنداردان وزىق شىققان 6 قىزدار جانە 6 ۇلدار كومانداسى جينالعان.
پاۆلودار قالاسىنداعى حيميا-بيولوگيا باعىتىنداعى نازارباەۆ زياتكەرلىك مەكتەبىنىڭ دەنەشىنىقتىرۋ ءپانىنىڭ وقىتۋشىسى سەرىك تەمىرعاليەۆتىڭ ايتۋىنشا, اقتىق فينالعا دەيىن توپتىق ويىندار ءوتتى. سونىڭ ناتيجەسىندە جەڭىسكە جەتكەن ۇزدىك 2 كوماندا فينالدىق ويىنعا قاتىسۋعا الماتىعا كەلگەن. «ۇزدىك ويىنشىلاردان جاساقتالعان ەكى كوماندانىڭ, سونداي-اق وسى جارىسقا كەلگەن ءاربىر كوماندانىڭ وزىندىك دايىندىق ءادىس-تاسىلدەرى بار. بارلىق كوماندالار جەڭىسكە لايىق. سوندىقتان دا ۇزدىكتەر سپورت الاڭىندا ءوزىنىڭ تاپقىرلىعى, ۇشقىرلىعىنا سەنە وتىرىپ جەڭىسكە جەتەدى»,- دەيدىسەرىك تەمىرعاليەۆ.
قازىرگى كەزدە ايماقتىق كەزەڭنىڭ ۆولەيبولدان ۇزدىكتەرى حيميا-بيولوگيا باعىتىنداعى مەكتەپتە باق سىناسۋدا. نۇر-سۇلتان, پاۆلودار, قاراعاندى, شىمكەنت, اقتوبە, ورال قالالارىنان جينالعان سپورتشىلار ءۇش كۇن بويى جارىس دوداسىنا ءتۇسىپ, ۇزدىكتەر ىرىكتەلەتىن بولادى.
الماتى
