«بوتانيكالىق باق قالامىزدىڭ ەرەكشە ورىندارىنىڭ ءبىرى. ءبىز باقتى بەزەندىرگەن كەزدە بۇل جەردە ادامدار وتباسىمەن ۋاقىت وتكىزگىسى كەلەتىندەي ەتىپ جاساۋعا تىرىستىق. بوتانيكالىق باقتى ەرەكشە, قىزىقتى بەزەندىرۋگە تىرىستىق» دەيدى كرەاتيۆتى ديرەكتور كريستينا بەكمۋرزاەۆا.
ءبىرىنشى ايماقتا سۋرەتكە ءتۇسۋ ءۇشىن كوپتەگەن جەرلەر بار. سونىمەن قاتار, اشىق اسپان استىنداعى گالەرەيا, شاعىن ساۋلەت نىساندارى دا بار. جاڭا جىلدىق شىرشانىڭ ارتىندا سۋرەتشىلەر سالعان سۋرەتتەر بار. مەرەكەلىك اتموسفەرا سەزىلىپ, مۇلدەم باسقاشا قابىلدانادى.
ەكىنشى ايماقتا اققالالار ورنالاسقان. قازىر اققالا سانى 300-گە جەتەدى. قالا تۇرعىندارى اققالا سانىن ارتتىرۋعا كومەكتەسە الادى. قالا تۇرعىندارى اتسالىسىپ, بوتانيكالىق باقتى بەزەندىرۋگە ءوز ۇلەستەرىن قوسۋعا مۇمكىندىك العان.
ءۇشىنشى ايماق - ەڭ باستى ايماق. بۇل جەردە جاڭا جىلدىق شىرشا ورنالاسقان. سونداي-اق, قالا تۇرعىندارىنا ىڭعايلى بولۋ ءۇشىن جىلى سفەرالار ورناتىلعان. بالالارعا ارنايى كىشكەنتاي حوككەي الاڭى دا بار.
