«تسيفرلى ترانسفورماتسيا: ەل ەكونوميكاسىنىڭ ءوسۋ نۇكتەلەرى» – كونفەرەنتسيانىڭ وتىرىسىنا وسى تاقىرىپ ارقاۋ بولدى. «سامۇرىق-قازىنا»ۇاق» اق باسقارما توراعاسى احمەتجان ەسىموۆتىڭ ايتۋىنشا, قور تسيفرلى ترانسفورماتسيا باعدارلاماسىنىڭ ناتيجەسىندە ناقتى جوبالاردى جۇزەگە اسىرۋ ارقىلى سوڭعى ەكى جىلدا پايدا كولەمىن 86 ملرد تەڭگەگە جەتكىزبەك.
– بۇل تەك تىكەلەي پايدا. بيىل 11 ايدىڭ قورىتىندىسىنا سايكەس قوردىڭ توبىنداعى كومپانيالاردىڭ تازا تابىسى شامامەن 1 ترلن 150 ملرد تەڭگەنى قۇرادى. ءبىر جىلدىڭ ىشىندە ۇكىمەتكە تۇسكەن ديۆيدەندتەر كولەمى 2 ەسەگە, اقشالاي تۇردە 5 ەسەگە ارتتى, – دەدى ا.ەسىموۆ.
باسقارما توراعاسى نەگىزگى كورسەتكىشتەردى, ونىڭ ىشىندە ترانسفورماتسيانى جۇزەگە اسىرۋ ەسەبىنەن جاقسارتۋدى جالعاستىراتىنىن اتاپ ءوتتى.
2018 جىلى جاڭا توپ-مەنەدجمەنتتىڭ كەلۋىمەن 2014 جىلى بەكىتىلگەن ترانسفورماتسيا باعدارلاماسى قايتا قارالىپ, وندىرىستىك بيزنەس-پروتسەستەردى تسيفرلاندىرۋعا نازار اۋدارا وتىرىپ, وزەكتىلىگىن ارتتىردى. قور جاڭا IT تەحنولوگيالارىن ازىرلەۋ مەن ەنگىزۋدى كوزدەيتىن ناقتى ماقساتتارمەن تسيفرلى ترانسفورماتسياعا كوشتى.
– ءبىز IT سالاسىنداعى جاڭا جوبالار توپتاماسىن تۇبەگەيلى قايتا قارادىق. اۋقىمدى IT اۋديت جۇرگىزىلدى. ناتيجەسىندە جالپى سوماسى شامامەن 60 ملرد تەڭگەگە تيىمدىلىك تۇرعىسىنان كۇماندى جوبالاردى ىسكە اسىرۋعا ارنالعان شىعىستار وڭتايلاندىرىلدى. بيىل تىكەلەي پايدا 2,5 ملرد تەڭگەنى قۇرايدى. قازاقستان تەمىر جولى ء«موبيلدى دياگنوستيكالىق كەشەندەردى ەنگىزۋ» جوباسىن تابىستى جۇزەگە اسىرىپ كەلەدى. ناتيجەسىندە جول دياگنوستيكاسىن جۇرگىزۋ جيىلىگى 12 ەسە ۇلعايىپ, اقاۋلاردى انىقتاۋ ساپاسى 90%-عا ارتادى, – دەدى ا.ەسىموۆ.
باسقارما توراعاسى بۇل جولدىڭ ناقتى احۋالى بويىنشا جوندەۋگە كوشۋگە مۇمكىندىك بەرەتىنىن, سونداي-اق پويىز قوزعالىسىنىڭ قاۋىپسىزدىگىن قامتاماسىز ەتۋگە ايتارلىقتاي اسەر ەتەتىنىن جەتكىزدى.
